ავღანეთში კიდევ ერთი ქართველი ჯარისკაცი დაიღუპა

ავღანეთში, სამშვიდობო მისიის შესრულების დროს, ქართველი კაპრალი ბესიკ ნინიაშვილი დაიღუპა.

როგორც "ინტერპრესნიუსს" საქართველოს თავდაცვის სამინისტროდან აცნობეს, ნინიაშვილი სამხედრო დავალების შესრულების დროს, ნაღმზე აფეთქების შედეგად დაიღუპა. კაპრალი მე-3 ქვეითი ბრიგადის 31-ე მსუბუქი ქვეითი ბატალიონის შემადგენლობაში ISAF-ის სამშვიდობო მისიის ფარგლებში, ჰელმანდის პროვინციაში მსახურობდა. ის საქართველოს შეიარაღებულ ძალებში 2007 წლიდან ირიცხება.

სამხედრო სამსახურის პერიოდში მიღებული აქვს მედალი საბრძოლო დამსახურებისათვის, საპატიო სიგელი, მედალი საბრძოლო იარისათვის და მედალი "სამშვიდობო ოპერაციებში მონაწილეობისათვის."

ნინიაშვილი ავღანეთში დაღუპული მე-11 ქართველი სამხედროა.

"ინტერპრესნიუსი"