ავღანეთში ქართველი სამხედრო დაიღუპა
ავღანეთში სამშვიდობო მისიის შესრულების დროს ქართველი სამხედრო მოსამსახურე, უმცროსი სერჟანტი რეზო ბერიძე დიღუპა.
როგორც "ინტერპრესნიუსს" საქართველოს თავდაცვის სამინისტროდან აცნობეს, უმცროსი სერჟანტი ბერიძე III ქვეითი ბრიგადის შემადგენლობაში ISAF-ის მისიის ფარგლებში ჰელმანდის პროვინციაში მსახურობდა. იგი პატრულირებისას, თალიბების თავდასხმის დროს მიღებული ჭრილობის შედეგად გარდაიცვალა.
გარდაცვლილის ცხედარი საქართველოში გადმოსვენებულია. უმცროსი სერჟანტი ბერიძე საქართველოს შეარაღებულ ძალებში 2002 წლიდან მსახურობდა, ის ერაყის სამშვიდობო მისიაშიც მონაწილეობდა.
საქართველოს თავდაცვის სამინისტრო მწუხარებას გამოთქვამს რეზო ბერიძის გარდაცვალების გამო და სამძიმარს უცხადებს მის ოჯახს. სამინისტროს განცხადებით, დაღუპული სამხედრო მოსამსახურის ოჯახი საქართველოს კანონმდებლობით დადგენილ სოციალურ პაკეტს მიიღებს.
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
