ავღანეთში დაღუპული ოთხი ქართველი სამხედრო ოჯახებში მიასვენეს
ავღანეთში სამშვიდობო მისიის შესრულების დროს 30 სექტემბერს დაღუპული ოთხი ქართველი სამხედრო მათ ოჯახებში მიასვენეს.
საქართველოს თავდაცვის სამინისტროს ცნობით, ქართველი ჯარისკაცები, პოლკოვნიკი რამაზ გოგიაშვილი, სერჟანტი დავით ცეცხლაძე, კაპრალი გიორგი კოლხიტაშვილი და კაპრალი ნუგზარ კალანდაძე საქართველოში ღამით ჩამოასვენეს.
აეროპორტში ცხედრების ჩამოსვენების ცერემონიას საქართველოს თავდაცვის მინისტრი ბაჩო ახალაია, გაერთიანებული შტაბის უფროსი დევი ჭანკოტაძე, თავდაცვის სამინისტროსა და აშშ-ის საელჩოს წარმომადგენლები და ნათესავები დაესწრნენ.
საქართველოს თავდაცვის სამინისტრო კიდევ ერთხელ გამოთქვამს ღრმა მწუხარებას ქართველი სამხედრობის დაღუპვის გამო და უსამძიმრებს მათ ოჯახებს. ქართველი ჯარისკაცები ავღანეთში სამშვიდობო მისიით გათვალისწინებული დავალების შესრულების დროს ნაღმზე აფეთქდნენ.
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
