მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თეთრი სიკვდილისთვის" განწირული აფხაზი ახალგაზრდობა...
01:22 / 25-08-2017
აფხაზეთში, საკურორტო სეზონზე კრიმინოგენული ვითარება პიკს აღწევს. უმძიმესი მდგომარეობაა ნარკოდამნაშავეებისა და მომხმარებლების მხრივაც... ე.წ. შს მინისტრი, ასლან კობახია რეგიონში არსებული პრობლემების მოგვარების გზებს განიხილავს. ამ ეტაპზე, ყველაზე მნიშვნელოვანია ნარკომანიის საკითხი, რომელშიც ადგილობრივი მოსახლეობის ძალიან დიდი ნაწილი, კონკრეტულად კი, მოზარდი თაობაა ჩათრეული. აფხაზეთში ფეხმოკიდებულია სააფთიაქო ნარკომანია, რომელიც ბოლო წლებში, სკოლებსა და სხვა ე.წ. საგანმანათლებლო დაწესებულებებში მასობრივად გავრცელდა...
ასლან კობახიას თქმით, ისინი რეფორმების ფარგლებში, "უწყებაში" არსებული სახელფასო დავალიანებების პრობლემის მოგვარებაზეა არიან ორიენტირებული. ამის შესახებ, მან ე.წ. საზოგადოებრივი პალატის გაფართოებულ სხდომაზე გამოსვლისას ისაუბრა და აღნიშნა, რომ მათი ხარისხიანი მუშაობა, რეგიონში უსაფრთხოების გარანტია, თუმცა ამისთვის მათ ნორმალური და დროული ანაზღაურება სჭირდებათ.
ასლან კობახიას თქმით, ტურისტულ სეზონზე, "მილიციის" თანამშრომლები 24-საათიან რეჟიმში მუშაობენ, თუმცა ვითარებას ართულებს არასაკმარისი მატერიალურ-ტექნიკური რესურსი და კადრების სიმცირე. "ჩვენ ვიღებთ საზოგადოებრივ კრიტიკას, თუმცა ყველას ვთხოვთ, გაითვალისწინონ თუ რა ვითარებაში გვიწევს მუშაობა...-" ამბობს კობახია. მისივე თქმით, 2011 წელს, რუსეთის ფინანსურმა დახმარებამ მათ სულზე მიუსროთ, თუმცა ისიც გასაგებია, რომ ყოველთვის რუსეთის მხარდაჭერის იმედზე ვერ იქნებიან.
"თუკი ჩვენ მართლა გვინდა დამოუკიდებელი სახელმწიფოს აშენება, აუცილებლად დავუბრუნდეთ ადგილობრივ ფინანსებს..."- აცხადებს ის.
ასლან კობახიას თქმით, რამდენიმე დღის წინ, აფხაზეთში ჩამოვიდა რუსეთის შს მინისტრის მოადგილე იგორ ზუბოვი, რომელთან ერთადაც რუსულ აფხაზური ერთობლივი საინფორმაციო-საკოორდინაციო ცენტრის გარშემო ისაუბრეს. მისი წასვლის შემდეგ, 17 აგვისტოს, სოხუმში ჩამოვიდნენ, რუსი ექსპერტები, რომლებმაც ცენტრის ფუნქციონირებისთვის საჭირო ტექნიკა აღრიცხეს...
ასლან კობახიამ რუსი "კოლეგებისგან" მიღებული ინფორმაციაის შესახებაც ისაუბრა და აღნიშნა, რომ აუცილებელია ნარკომანიის წინააღდეგ ბრძოლა დაიწყოს... მისი თქმით, აფხაზეთში ნარკოტიკების 90% რუსეთიდან შემოაქვთ, სადაც რეგიონში სპეციალური, წინასწარ გათვლილი სქემის მიხედვით ვრცელდება.
"ნარკოტიკები აფხაზეთში აფხაზებს შემოაქვთ, ისე რომ ქვეყანაში არ შემოდიან. რუსეთის ფედერაციაში ცხოვრობენ, კონკრეტულად, მოსკოვში, სანკტ-პეტერბურგში, სოჭში და აქ არსებული "საყრდენი წერტილების" საშუალებით ავრცელებენ ნარკოტიკს..." - ამბობს კობახია, რომელიც სამუშაო ჯგუფის შექმნას ითხოვს რათა ნაკროგამავრცელებლებისა და მომხმარებლებლების აღრიცხვა მოხდეს...
კობახიას თქმით, მის ხელთ არსებული ინფორმაციით, აფხაზეთში 30 მსხვილი ნარკოდილერი დააკავეს, მათი უმეტესობა რუსეთის მოქალაქე აღმოჩნდა. ისინი სასჯელს ელოდებიან, რასაც არასერიოზულად მიიჩნევს ადგილობრივი საზოგადოება.
აფხაზების თქმით, ეს ხელმძღვანელობა არაფრის გამკეთებელი არ არის, რადგან თავად არიან ჩართული ნარკოდანაშაულში და წილებსაც იღებენ. "ეს ყველაფერი კი, მათ შორის ხმაურიანი განცხადებები, ფულის ახალი საკეთებელია... ისინი, საზოგადოების თვალის ასახვევად, აკავებენ ნარკოდილერებს, თუმცა, შემდეგ ფულს იღებენ და ჩუმად უშვებენ... სინამდვილეში, პატარა აფხაზეთში, გამოძიების გარეშეც ყველამ ყველაფერი იცის, თუმცა, რეალურად არავინ დასჯილა..." - ამბობენ აფხაზები.
"სოხუმის ერთ-ერთი ბინაში, ერთკვირიანი ძებნის შემდეგ, 5 ახალგაზრდა გარდაცვლილი იპოვეს ზედმეტი დოზის გამო, 3 ბიჭი და ორი გოგონა... მათგან ყველაზე უფროსი 22 წლის იყო. ჩვენ, აქაურებმა ხომ ვიცით, სად, რომელ ქუჩას სტუმრობდნენ ისინი, ვის კორპუსთან იდგნენ ფულიანი ხალხის შვილები. ყველამ ვიცით, ვინ "კვებავს" ამ შხამით ჩვენს ახალგაზრდებს. ტოლერანტულები უნდა ვიყოთო, გვასწალის ჩვენი ხელოსუფლება და თავად თავიანთი შვილები აქაურობას გაარიდეს, რომ გადაარჩინონ... ჩვენ განწირულები ვართ! ახალგაზრდა აფხაზი თაობა "თეთრი სიკვდილისთვის არის განწირული" - წერს ვინმე "თემო გაგრინსკი".
იმაზე, რომ სასამართლო "ცნობილ სახეებს არ ასამართლებს" თავად კობახიამაც ისაუბრა. მისივე თქმით, არაერთი შემთხვევა ყოფილა როდესაც მათ ნარკოდამნაშავეები დაუკავებიათ, რასაც მათი ახლობლების მხრიდან პროტესტი და გზის გადაკეტვა მოჰყვა; ისინი ირწმუნებოდნენ, რომ დაკავებულები უდანაშაულოები იყვნენ... "მე ვიცი, რომ ჩვენი საგზაო პოლიცია უშვებს ნარკოტიკების იმ ავტომანქანებს, რადგან ისინი გავლენიანი ადამიანების გვარებს ეუბნებიან, ან მილიციის წინაშე რეკავენ მათთან... ასე რომ არ იყოს, ეს კატასტროფული ვითარება შემცირდებოდა..." - წერს კობახია.
აფხაზეთის ე.წ. შს მინისტრი რუსეთიდან კადრების შემოყვანისა და ახალგაზრდა აფხაზი სპეციალისტების აღზრდის აუცილებლობაზე საუბრობს. კობახიას თქმით, ასევე ახალი ციხის აშენება იგეგმება, თუმცა ეს რამდენად იქნება გამოსავალი, ჯერჯერობით უცნობია.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
