23
ივნისიდღის ზოგადი ასტროლოგიური პროგნოზი
კომპანია "თი-ვი-ემ-არ საქართველოს" შემოწმების უკან ოთარ ფარცხალაძე დგას, – ამის შესახებ "ნაციონალური მოძრაობის" ერთ-ერთმა ლიდერმა პავლე კუბლაშვილმა დღევანელ პრესკონფერენციაზე განაცხადა.
კუბლაშვილის თქმით, ფარცხალაძემ დავალება ტელეკომპანია GDS-ის მესაკუთრის ბერა ივანიშვილისგან მიიღო.
"ფინანსური პოლიცია შესულია კომპანია "თი-ვი-ემ-არ საქართველოში" და ითხოვს პერსონალურ მონაცემებს იმ პირთა შესახებ, რომელთა მეშვეობითაც იზომება ტელეკომპანიების რეიტინგები. ხაზგასმით და ცალსახად გვინდა განვაცხადოთ, რომ ამ შემოწმების უკან დგას ოთარ ფარცხალაძე, რომელიც დღემდე მართავს არამხოლოდ ფინანსურ პოლიციას, არამედ პროკურატურას. ფარცხალაძემ ეს დავალება, როგორმე შეარყიოს რეიტინგებთან დაკავშირებული თემა, მიიღო ტელეკომპანია GDS-ის მესაკუთრის ბერა ივანიშვილისგან, რომელთანაც ახლო ურთიერთობა აკავშირებს. მიზანი არის, რომ მოხდეს რეიტინგების დისკრედიტაცია, შეწყდეს ტელეკომპანიების რეიტინგების წარმოება ან შეიცვალოს რეიტინგების შედეგები და მოხდეს რეიტინგებით მანიპულირება GDS-ის სასარგებლოდ.
საბოლოო ჯამში, ფინანსურ პოლიციას განზრახული აქვს, შეცვალოს ძალთა ბალანსი სარეკლამო ბაზარზე და ტელეკომპანიები, რომლებიც დამოკიდებული არიან რეკლამაზე, დატოვონ შემოსავლის გარეშე. ხელისუფლების ქმედებები ცალსახად უკანონოა", - განაცხადა კუბლაშვილმა.
ამასთან, ტელეკომპანიების რეიტინგის დამთვლელი კომპანია "თი-ვი ემ-არ საქართველო" შემოსავლების სამსახურმა 800 ლარით დააჯარიმა.
ტელეკომპანია "რუსთავი 2"-ის ინფორმაციით, მიზეზი კვლევაში მონაწილე ოჯახების შესახებ ინფორაციის გაუცემლობა გახდა.
"თი-ვი-ემ-არ საქართველოს" 800 ლარით დაჯარიმების თაობაზე შემოსავლების სამსახური, სავარაუდოდ, დამატებით განმარტებას გააკეთებს. როგორც "ინტერპრესნიუსს" უწყების პრესსამსახურის უფროსმა ხატია მოისწრაფიშვილმა განუცხადა, შემოსავლების სამსახური კანონის დაცვით მოქმედებს.
"თი-ვი ემ-არ საქართველო" "ნილსენის" სატელევიზიო აუდიტორიის გაზომვების ლიცენზირებული წარმომადგენელია საქართველოში და 350-ზე მეტი "ფიფლმეტრის" საშუალებით ტელევიზიების რეიტინგებს ზომავს. კომპანიის კლიენტები - საქართველოში მოქმედი 11 ტელევიზია და 18 სარეკლამო სააგენტოა.
