"ყველაფერს აკეთებს სასამართლო, რომ მას სიცოცხლე მოუსწრაფოს," - აბესაძე სასამართლომ პატიმრობაში დატოვა

ოთარ აბესაძე კვლავ პატიმრობაში რჩება. სასამართლომ არ დააკმაყოფილა დაცვის მხარის შუამდგომლობა, რომ მას აღკვეთის ღონისძიების სახით შეფარდებული პატიმრობა შეცვლოდა.

როგორც აბესაძის ადვოკატმა განაცხადა, მისი დაცვის ქვეშ მყოფის ჯანმრთელობის მდგომარეობა საკმაოდ მძიმეა და ეს ექსპერტიზის დასკვნაშიც ჩანს, თუმცა მოსამართლემ ჩათვალა, რომ ის კვლავ საშიშია და მისი გარეთ ყოფნა ზეგავლენას მოახდენს მართლმსაჯულების პროცესზე.

"ყველაფერს აკეთებს მართლმსაჯულება იმისთვის, რომ ოთარ აბესაძეს სიცოცხლე მოუსწრაფოს. მოსამართლემ არ შეუცვალა მას აღკვეთის ღონისძიების სახით შეფარდებული პატიმრობა. პროცესის მიმდინარეობისას ის ცუდად გახდა და შესაბამისად, ახლა ველოდებით სასწრაფოს, რომ მას დახმარება აღმოუჩინონ", - განაცხადა ირმამ ჭკადუამ. 

"ინტერპრესნიუსი"