თეა სირაძე, რომელსაც 5 კაცის ცემისთვის 28 წლიანი პატიმრობა ჰქონდა მისჯილი, პრეზიდენტმა შეიწყალა
საქართველოს პრეზიდენტმა ადამიანის გატაცებაში, ფულის გამოძალვასა და ხულიგნობაში ბრალდებული, 4 შვილის დედა თეა სირაძე შეიწყალა. "ინტერპრესნიუსის" ინფორმაციით, თეა სირაძემ უკვე დატოვა ქალთა კოლონია. აღნიშნულ ინფორმაციას არც ადასტურებენ და არც უარყოფენ პრეზიდენტის ადმინისტრაციაში, კომენტარს არ აკეთებენ სასჯელაღსრულებისა და პრობაციის სამინისტროში.
39 წლის თეა სირაძე სასჯელს ქალთა კოლონიაში იხდიდა. 2010 წელს იგი თბილისში დააკავეს. მისთვის წაყენებული ბრალდება საკმაოდ მძიმე იყო: ადამიანის გატაცებაში, ფულის გამოძალვასა და ხულიგნობაში ედებოდა ბრალი. 2015 წლის მარტში სასამართლომ ახალგაზრდა ქალი წარდგენილ ბრალდებებში დამნაშავედ ცნო და სასჯელთა შეკრებითობის პრინციპით, უმძიმესი განაჩენი გამოუტანა - 28 წლით თავისუფლების აღკვეთა შეუფარდა. თავად ბრალდებული საქმის კვალიფიკაციას დღემდე არ ეთანხმება.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
