მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმისთვის, რომ 29 ათასი დოლარი მეშოვა და ამათთვის შემეწირა, 6 წელი გადასახლებაში ვიცხოვრე" - "ცენტრ-პოინტის" დაზარალებულებს განაჩენი არ აკმაყოფილებთ
05:29 / 31-03-2017
ცენტრ-პოინტის დაზარალებულები მაია რჩეულიშვილისა და რუსუდან კერვალიშვილისათვის მისჯილ 4-4 წლიან პატიმრობას არაადეკვატურად მიიჩნევენ. დაზარალებულები აპროტესტებენ გადაწყვეტილების იმ ნაწილს, რომლითაც დაკავებულებს სისხლის სამართლის კოდექსის 194-ე მუხლით წარდგენილი ბრალდება არ დაუმტკიცდათ. აღნიშნული მუხლი 12 წლამდე თავისუფლების აღკვეთას ითვალისწინებს.
დაზარალებულები განაჩენის გასაჩივრებას აპირებენ. ამის შესახებ მათ PALITRANEWS-თან ისაუბრეს.
"როგორ შეიძლება ამ უსამართლო გადაწყვეტილებით კმაყოფილი ვიყოთ? 15 წელი ჩვენ გვაწამეს, მაგათ 4 წელი ამნისტია შეეხებათ და სახლში წავლენ. რატომ მოუხსნეს თაღლითობის მუხლი? მე ვარ თაღლითი ფული რომ მივეცი და ეგენი არ არიან, რომ წამართვეს? უნდა გავასაჩივროთ, ძალიან მცირე სასჯელი მისცეს. მინიმუმ 15 წელი უნდა მიეცათ," - ამბობს ერთ-ერთი დაზარალებული ქალი.
"სასამართლოს გადაწყვეტილება არცერთი დაზარალებულისთვის არ არის მისაღები. რჩეულიშვილები 4 წელზე ტირიან და იმას არ ფიქრობენ, რომ ხალხს 4-ჯერ 4 წელი გვაქვს გატარებული უცხოეთში, რომ ეს ობიექტები დამთავრებულიყო. მე ვერ მოვისმინე, რომ ჩვენი ნაწვალები ამდენი თანხის ჩაყრაზე ვინმეს რამე ეთქვა, რა ბედი ეწევა ამას?!" - ამბობს დაზარალებული.
"ათეულ მილიონს რომ მოიპარავენ თაღლითობის გზით და 4 წელს მიუსჯიან, ეს არ აღმოფხვრის თაღლითობას ქვეყანაში. პირიქით, მომრავლდებიან თაღლითები, რადგან მათ დაუსჯელობის სინდრომი გადაედებათ რჩეულიშვილებისგან. მე რომ ვიყო თაღლითური ბუნების, მეც მოვიპარავდი მილიონს და ჩავჯდებოდი რამდენიმე წლით, სამაგიეროდ ოჯახი უზრუნველყოფილი მეყოლებოდა. იმისთვის, რომ მე ის ჩემი 29 ათასი დოლარი მეშოვა და ამათთვის შემეწირა, 6 წელი გადასახლებაში ვიცხოვრე," - ამბობს კიდევ ერთი დაზარალებული PALITRANEWS-თან საუბარში.
თბილისის საქალაქო სასამართლომ, "ცენტრ პოინტის" დამფუძნებლები მაია რჩეულიშვილი და რუსუდან კერვალიშვილი, თაღლითობისა და მენაშენეთა კუთვნილი თანხების მითვისებაში დამნაშავედ სცნო და 4-4 წლით თავისუფლების აღკვეთა შეუფარდა. საქმე რამდენიმე ობიექტს, მათ შორის სააკაძის მოედანზე, კრწანისში და წყნეთის ობიექტებს ეხება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
