მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსთაველზე მომხდარ ავარიაში სავარაუდო ბრალდებულს ჩინოვნიკები მფარველობენ? - რას პასუხობენ ბრალდებას ადრესატები
05:28 / 27-01-2017
24 იანვარს თბილისში, რუსთაველის გამზირზე მომხდარმა ავტოსაგზაო შემთხვევამ საქართველო შეძრა. გოგონა, რომელიც ტაქსით გადაადგილდებოდა სამი ავტომობილის შეჯახების შედეგად ადგილზე დაიღუპა. 26 წლის სოფო ბერიძის სიკვდილმა საზოგადოებაში და სოციალურ ქსელში მწვავე რეაქციები გამოიწვია. ბოლო დროს ისედაც გახშირებული ავტოსაგზაო შემთხვევების ფონზე, მოქალაქეები ხელისუფლებისგან საგზაო მოძრაობის უსაფრთხოებაზე განსაკუთრებულ კონტროლს და სანქციების გაზრდას მოითხოვენ.
შინაგან საქმეთა სამინისტრომ ცოტა ხნის წინ ოფიციალური განცხადება გაავრცელა. მათი ინფორმაციით, გამოძიების ფარგლებში, დაინიშნა ტრასოლოგიური, ავტოტექნიკური და სასამართლო-სამედიცინო ექსპერტიზები, რომელთა დასკვნების საფუძველზე, საგამოძიებო ორგანოს ექნება მტკიცებულებათა ერთობლიობა, რათა ავტოსაგზაო შემთხვევაში დამნაშავე პირის მიმართ განხორციელდეს კანონის შესაბამისი ღონისძიებები. უწყების განმარტებით, ავტოსაგზაო შემთხვევაში მონაწილე სამივე მძღოლი, მომხდართან დაკავშირებით პოლიციის მიერ მოწმის სახით გამოიკითხნენ.
რუსთაველზე მომხდარ ავარიასთან დაკავშირებით სოციალურ ქსელში ბევრი მოსაზრება დაიწერა. რამდენიმე ინტერნეტმომხმარებელი პირდაპირ ასახელებს მერსედესის ML-ის მარკის ავტომობილის მძღოლის ვინაობას, რომელიც თვითმხილველების თქმით, გადაჭარბებული სიჩქარით მოძრაობდა და სწორედ ის გახდა ავარიის გამომწვევი.
უფლებადამცველი ცოტნე გამსახურდია ფეისბუქის პირად გვერდზე წერს, რომ სავარაუდო ბრალდებული თავისუფალია და მას მაღალჩინოსნები აფარებენ ხელს. აი რას წერს გამსახურდია ფეისბუქის პოსტში: "მერსედესში იჯდნენ გ.ჯ-ს ძმა და სიძე, რომელიც ასევე მძიმე მდგომარეობაშია. ხსენებული ძმები ქართული ოცნების მესტიელი დეპუტატის, ვიქტორ ჯაფარიძის ნათესავები არიან, მისი სახელით მოქმედებენ, "ალაგებენ სიტუაციებს" მესტიაში კრიმინალური მეთოდებით და კრიმინალურ სამყაროსთან ერთად და უზრუნველყოფენ, რა თქმა უნდა, ოცნების ხმებსა და მხარდაჭერას რაიონში! იქ მათ სახელს არაერთი სისხლიანი და ძალადობრივი აქტი უკავშირდება.
სწორედ დეპუტატ ვიქტორ ჯაფარიძის და სოზარ სუბარის დიდის მეცადინეობითა და მცდელობით მკვლელი გაუსვლელობის ხელწერილით გაათავისუფლეს! ამჟამად ისინი გარდაცვლილი გოგონას ოჯახთან ცდილობენ მოლაპარაკებას", - წერს გამსახურდია.
AMBEBI.GE ცოტნე გამსახურდიას დაუკავშირდა, რომელიც ამბობს, რომ მის მიერ გავრცელებული ინფორმაცია სრული სიმართლეა და მას ინფორმაცია წყარომ მიაწოდა. ასევე შევეცადეთ ბრალდების ადრესატებთან გადაგვემოწმებინა ინფორმაცია.
დევნილთა და განსახლების მინისტრის პრესსამსახურში განგვიცხადეს, რომ ბრალდებასთან დაკავშირებით ოფიციალურ კომენტარს მხოლოდ მას შემდეგ გააკეთებენ, რაც საკითხში გაერკვევიან. ამასობაში სოზარ სუბარზე გავრცელებულ ინფორმაციას გამოეხმაურა მინისტრის მეუღლე თამთა ყუბანეიშვილი. მან ფეისბუქის პირად გვერდზე დაწერა, რომ სოზარ სუბარს არანაირი კავშირი არ აქვს სავარაუდო ბრალდებულის გათავისუფლებასთან:
"რამდენიმე სააგენტოზე დაიდო აბსოლუტური ტყუილი, თითქოს სოზარის მცდელობით ხელწერილით გაათავისუფლეს ავტომანქანის მძღოლი, რომლის მიერ ორი დღის წინ მოხდენილი ავტოავარიის შედეგად ახალგაზრდა გოგონა გარდაიცვალა. ეს არის ტყუილი და ცილისწამება!!! მთელი პასუხისმგებლობით ვაცხადებ, რომ სოზარს არანაირი კავშირი არ აქვს ამ ადამიანის გათავისუფლებასთან.
შეწყვიტეთ ცილისმწამებლური ტექსტის ტირაჟირება!" - წერს მინისტრის მეუღლე.
AMBEBI.GE დაუკავშირდა გამსახურდიას პოსტში მოხსენიებულ კიდევ ერთ ჩინოვნიკს - მესტიის მუნიციპალიტეტის მაჟორიტარ დეპუტატ, ვიქტორ ჯაფარიძეს, რომელმაც განაცხადა, რომ გავრცელებულ ინფორმაციაში მოხსენიებული გ.ჯ მისი ნათესავი არ არის და მასთან არანაირი შეხება არ აქვს.
"ჩემი ნათესავი არ არის. ან სოზარი საერთოდ რა შუაშია, მეც ტელევიზით გავიგე, როგორც სხვა ყველამ. რა კრიმინალური კავშირი, ვინ რა სიტუაციას ალაგებს, არ არის ნორმალური ეს ადამიანი და რა კომენტარი გავაკეთო? ვიცნობ ამ ადამიანს, 22-23 წლის ბიჭი იქნება, მოჭიდავე იყო, სპორტსმენი ბიჭია, მძღოლი ის იყო, მაგრამ ვიცი, რომ ნასვამი არ იყო. სამწუხაროა, რომ გოგონა დაიღუპა, მეორე ადამიანი კი მართვით სუნთქვაზეა, ამაზე უნდა ვიფიქროთ და არა იმაზე, თუ ვინ რა სისულელეს წერს. რა შუაშია აქ ვიქტორი ან სოზარი, გამოძიება გაარკვევს ყველაფერს", - განაცხადა ვიქტორ ჯაფარიძემ.
თეა ბეჟიტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
