მძღოლი, რომელიც ვაკეში "სასწრაფოს" დაეჯახა და გაიქცა, იდენტიფიცირებულია

წუხელ, გვიან ღამით ვაკეში ავარია მოხდა. როგორც AMBEBI.GE-ს თვითმხილველმა უამბო, ბარნოვისა და ნაფარეულის ქუჩების კვეთაზე სწრაფად მოძრავი "რენჯ-როვერის" მარკის ჯიპი სასწრაფოს მანქანას დაეჯახა. შეჯახების შედეგად სასწრაფო ამობრუნდა. თვითმხილველის ინფორმაციით, "რენჯ-როვერის" მძღოლი შემთხვევის ადგილიდან გაიქცა და მანქანა მიატოვა.

ვაკეში მომხდარი მომხდარი ავტოსაგზაო შემთხვევის მონაწილე მძღოლი ინდეტიფიცირებულია. ამის შესახებ AMBEBI.GE-ს შსს-ში განუცხადეს. მათივე ინფორმაციით, ბარნოვისა და ნაფარეულის ქუჩის კვეთაზე მომხდარი ავტოსაგზაო შემთხვევის შედეგად ოთხი ადამიანია დაშავებული და ყველა მათგანი სასწრაფო დახმარების ეკიპაჟის წევრია. როგორც შსს-ში აცხადებენ, დაშავებულთა დაზიანებების ხარისხი მსუბუქია და მათ სიცოცხლეს საფრთხე არ ემუქრება.

როგორც AMBEBI.GE-მ გაარკვია სასწრაფო დახმარების ბრიგადას შემთხვევისას პაციენტი არ გადაჰყავდა, გამოძახებაზე მიდიოდა, რა დროსაც მას "რეინჯ როვერის" მარკის ავტომანქანა დაეჯახა. შეჯახების შედეგად სასწრაფო დახმარების მანქანა ამობრუნდა. სასწრაფო დახმარების პრესსამსახურში განგვიცხადეს, რომ ამჟამად დაშავებულთაგან საავადმყოფოში მხოლოდ ერთი ადამიანი რჩება, დანარჩენი სამი კი სახლში განაგრძობს მკურნალობას.

თორნიკე კოშკაძე

AMBEBI.GE