მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არიან თბილისში დაკავებული სამი ახალგაზრდა და რა კრიმინალურ საქმეებში ფიგურირებს მათი სახელები
06:55 / 04-09-2016
შინაგან საქმეთა სამინისტრო თბილისში ჩატარებული სპეცოპერაციების შესახებ ავრცელებს განცხადებას, რომლის დროსაც სამი პირია დაკავებული.
შსს-ს ინფორმაციით, ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარმა სამმართველომ, თბილისის პოლიციის დეპარტამენტთან ერთად, მიმდინარე წლის 3 და 4 სექტემბერს რამდენიმე მნიშვნელოვანი საგამოძიებო და ოპერატიულ-სამძებრო ღონისძიება განახორციელა.
AMBEBI.GE-ს მიერ მოპოვებული ინფორმაციით, დაკავებულები არიან 26 წლის გიორგი ყანჩაველი, 27 წლის ნოდარ ნიშნიანიძე და 30 წლის გიორგი ფეიქრიშვილი.
გიორგი ყანჩაველი წარსულში ორგზისაა ნასამართლევი იარაღის უკანონო შენახვა-ტარების ბრალდებით. მისი მამა ე.წ "ვერის საძმოს" წევრი იყო, უმცროსი ყანჩაველი კი "საძმოს" ცნობილი წევრის - გიორგი იგივე ჟორიკა რურუას (ნიკა რურუას ძმა) ნათლულია. აღსანიშნავია ისიც, რომ გიორგი ყანჩაველი ორი დღის წინ, ვაკეში მომხდარი სროლის დროს სოსო ჯოხაძის მკვლელობის ბრალდებით დაკავებული ბადრი, იგივე ბადუკა ნათობაძის მეგობარია. არის თუ არა კავშირი ყანჩაველის დაკავებასა და ჯოხაძის მკვლელობას შორის, ჯერჯერობით უცნობია.
არსებული ინფორმაციით, ბადუკა ნათობაძესთან მეგობრობს დაკავებული ნოდარ ნიშნიანიძეც, რომლის ოჯახის წევრებიც პოლიციას იარაღის ჩადებაში ადანაშაულებენ. იგი წარსულში მრავალგზის ნასამართლევია სხვადასხვა ბრალდებით, მათ შორის ყაჩაღობის ბრალდებით. ნიშნიანიძის სახელი თბილისში მომხდარ არაერთ კრიმინალურ გარჩევაში ფიგურირებს. ერთ-ერთი 2015 წელს საბურთალოზე მომხდარი დაჭრაა, რა დროსაც ცეცხლსასროლი იარაღით გოჩა ვეფხვაძე დაჭრეს. სამართალდამცველებმა ნიშნიანიძე დაჭრის ბრალდებით რამდენიმე დღეში დააკავეს. საქალაქო სასამართლომ ეჭვმიტანილი გაამართლა, რადგან ვეფხვაძემ არ დაადასტურა, რომ ნიშნიანიძემ დაჭრა.
წარსულში ნასამართლევია გიორგი ფეიქრიშვილიც. მისი სახელი უკავშირდება გია უდესიანს, რომელიც თავის მხრივ "ნაციონალების" "ზონდერ-ჯგუფების" მეთაურად" მოიხსენიებოდა. ფეიქრიშვილი 2015 წლის ოქტომბერში ვაჟა-ფშაველაზე, საკუთარ სახლთან დააკავეს იარაღის უკანონო ტარების ფაქტზე. მაშინ მისი ოჯახის წევრები ირწმუნებოდნენ, რომ ფეიქრიშვილს პოლიციამ იარაღი ჩაუდო. ფეიქრიშვილი 9 თვის განმავლობაში იხდიდა სასჯელს, 2016 წლის 30 ივნისს კი ციხიდან გამოვიდა.
გიორგი ფეიქრიშვილის და მისი ტყუპისცალი ძმის (თბილისში ცნობილები, როგორც "ძმები ფეიქრიშვილები") სახელი სხვადასხვა კრიმინალურ საქმეში ფიგურირებს. დავით ფეიქრიშვილი ამჟამად პატიმრობაშია. მისი სახელი ფიგურირებს ე.წ მაზავშიკების საქმეში, რა დროსაც დავით გაგნიძე, გიორგი დემეტრაძე და კახა მისირელი დააკავეს. შსს-ს ინფორმაციით, დაკავების დროს მათგან ამოღებული იქნა ერთ-ერთი მოქალაქისაგან მიღებული 40 700 აშშ დოლარი, რომელიც საფეხბურთო ჩემპიონატთან დაკავშირებით, ე.წ "მაზით" 140 000 აშშ დოლარი მოგებული ჰქონდა დავით ფეიქრიშვილს. საქმეში ფიგურირებდა ვატო ყიფიანის სახელიც, რომელსაც მოგებული თანხის 30 000 აშშ დოლარი ამოღებული ჰქონდა უკრაინაში და ცდილობდა დარჩენილი თანხის, 40 700 აშშ დოლარის გადაცემას დავით ფეიქრიშვილისთვის, რა დროსაც მოხდა აღნიშნული პირების დაკავება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
