მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ხდებოდა დარბაზში, მაგდა პაპიძის განაჩენის გამოცხადების დროს - ფოტოები ბოლო პროცესიდან
06:18 / 06-07-2016
მეუღლისა და შვილის მკვლელობაში ბრალდებულ მაგდა პაპიძეს უვადო თავისუფლების აღკვეთა მიესაჯა. სასჯელის ზომა, ნაფიც მსაჯულთა რეკომენდაციის საფუძველზე, მოსამართლემ განსაზღვრა. განაჩენის გამოცხადებას დარბაზში ტაში მოყვა.
სასჯელის გამოცხადებამდე სასამართლოს მიმართეს ბრალდებისა და დაცვის მხარემ, ასევე მაგდა პაპიძის დედამთილმა დარეჯან მინდიკაურმა და თავად ბრალდებულმა:
"მე თუ ამ დანაშაულში ეჭვმიტანილი ვიქნები, არ მაქვს სიცოცხლის პრეტენზია. არ მაქვს პრეზენტაცია არც უვადო პატიმრობაზე. მე დენით სკამისთვისაც მზად ვარ. გააკეთოს ეს სახელმწიფომ ჩემთვის. მზად ვარ ერმა მომიშვიროს ტყვია. არ მაქვს პრეტენზია ვიბრძოლო სიცოცხლისთვის, რადგან ეს საშუალება არ მომეცა. დაკავების დღიდან ვიბრძვი 
სიმართლისთვის, მაგრამ ამას ვერ მივაღწიე. გთხოვთ, ასეთი საშიში მოქალაქე არ დატოვოთ ცოცხალი. გთხოვთ ზემდგომ ორგანოებს, ვთხოვ ჩემს პრეზიდენტს, გასცეს ბრძანება, რომ ასეთი ადამიანი არ დატოვოს ცოცხალი", - განაცხადა მაგდა პაპიძემ.
ბრალდებულის დედამთილმა დარეჯან მინდიკაურმა თავის სიტყვაში რძლისთვის უვადო პატიმრობის შეფარდება მოითხოვა: "ადამიანი, რომელმაც ორი ადამიანი დაუნდობლად მოკლა, საშიშია ყველასთვის. მარტო ჩემს ოჯახზე არაა საუბარი, ამიტომ ვითხოვ უვადო პატიმრობას", - განაცხადა მინდიკაურმა.
როგორც პროკურორმა დავით ნეფარიძემ აღნიშნა, სახელმწიფო ბრალდებამ მაგდა პაპიძისთვის უვადო პატიმრობის შეფარდება მოითხოვა დანაშაულის სიმძიმიდან, ბრალდებულის პიროვნებიდან და მისი წარსულიდან გამომდინარე.
დაათვალიერეთ ფოტოები სასამართლოდან
"ამ ადამიანმა საკუთარი შვილი სიცოცხლეს გამოასალმა, ამიტომ ის იზოლირებული უნდა იყოს საზოგადოებისგან", - აღნიშნა პროკურორმა.
როგორც პროცესზე ბრალდებულის ადვოკატმა მარიკა ფხალაძემ აღნიშნა, ნაფიცი მსაჯულების ვერდიქტიდან გამომდინარე, მან ვერ დაიცვა მაგდა პაპიძის ინეტერესები, თუმცა ითხოვდა, რომ ბარლდებულს სასჯელის მინიმალური ზომა განსაზღვროდა.
"მიჭირს საუბარი იმიტომ, რომ ვიცავდი პაპიძის ინტერესებს, თუმცა ვერ დავიცავი. იგი ნაფიცმა მსაჯულებმა საკუთარი შვილის მკვლელობაში ცნეს დამნაშავედ. მეც დედა ვარ და ნამდვილად ვერ შევძლებდი მის დაცვას, რომ დარწმუნებული არ ვყოფილიყავი, რომ მას შვილი არ მოუკლავს. სასამართლოს ვთხოვ გაიზიაროს იმ მოწმეთა ჩვენებები, რომლებიც ახასიათებდნენ მას როგორც დედას, რომელიც საკუთარ შვილს თავზე ევლებოდა და საკუთარი შვილის თვალზე ცრემლს ვერ იტანდა", - განაცხადა ადვოკატმა.
ფოტო: სულხან ნამიჭეიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სადგურის მოედანი და დადიანის გამზირი ერთმანეთს ხიდით დაუკავშირდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
