მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ყვებიან თვითმხილველები ავარიაზე, რომელსაც 27 წლის ბიჭი ემსხვერპლა: "მოტოციკლი მოდიოდა დიდი სისწრაფით... მოსდევდა პატრულის მანქანა"
09:58 / 27-06-2016
23 ივნისის ღამეს, მტკვრის მარცხენა სანაპიროზე, რესტორან "აფხაზეთსა" და რესტორან "ქართულ სახლს" შორის გზაჯვარედინზე მომხდარ ავარიას 27 წლის თორნიკე სუხიაშვილი ემსხვერპლა.
ახალგაზრდა მოტოციკლით მოძრაობდა, რა დროსაც ის მსუბუქ ავტომობილს შეეჯახა და ადგილზევე გარდაიცვალა.
ავარიის შემდეგ სოციალურ ქსელში გავრცელდა ვერსია, რომ მოტოციკლს საპატრულო პოლიცია მისდევდა და ავარია სწორედ დევნის დროს მოხდა. ინტერნეტმომხმარებლები წერდნენ, რომ არა პატრულის ადევნება, ტრაგედია არ მოხდებოდა და სამართალდამცველებს შეეძლოთ პირის იდენტიფიცირება მოეხდინათ და ის სიჩქარის გადაჭარბებისთვის დაეჯარიმებინათ დევნის გარეშე.
"პატრული მოსდევდა ამ საწყალ ბიჭს, როგორც ჩანს არ დაემორჩილა პატრულს და განაგრძო გზა, რა დროსაც ღამის ხილვადობა იყო ცუდი და შემხვედრ ავტომანქნას შეეჯახა ეს საწყალი ბიჭი. აქვე მინდა ავღნიშნო რომ თუ არ დაემორჩილა და არ გააჩერა, გადაეცა ნომერი სხვა ეკიპაჟისთვის, იქნება და ეს საშინელება აღარ მომხდარიყო";
"მეც ასე ვიცი, პატრულის გამოკიდების გამო (ჩაფხუტი არ ხურებია ) შეასკდა რაღაცას და გარდაიცვალა!" - წერდნენ ფეისბუქ-მომხმარებლები სოციალურ ქსელში.
იმის გასარკვევად, ტრაგედია დევნისას მოხდა თუ არა, AMBEBI.GE შემთხვევის ადგილზე იმყოფებოდა და რამდენიმე ადამიანს გაესაუბრა, რომლებიც ფაქტის თვითმხილველები გახდნენ. შემთხვევის ადგილას, საცხოვრებელი კორპუსის ერთ-ერთმა ბინადარმა განგვიმარტა, რომ როდესაც ქუჩიდან საშინელი მტვრევის ხმა გაიგეს, დაახლოებით ღამის 00:50 საათი იქნებოდა.
"საშინელი ხმა გავიგონე. დაახლოებით, 00:50 საათზე. მაშინვე ფანჯრიდან გადავიხედე და დავინახე ეს საშინელება, პატრულიც იქ იყო, სასწრაფო არ იყო ჯერ მოსული, ან რას მოასწრებდა იმ წამსვე გადავიხედე, ხმის გაგონებისთანავე" - ამბობს ჩვენთან საუბარში თვითმხილველი, რომელმაც ავარია სახლის ფანჯრიდან დაინახა.
პატრულის მხრიდან თორნიკე სუხიაშვილის დევნის ფაქტზე საუბრობს გარდაცვლილის მეგობარი ანი დანიბეგაშვილი. მისი თქმით, სამართალდამცველები მოტოციკლს საბურთალოდან აედევნენ და სანაპიროზე ავარიის ადგილამდე სდიეს:
"00:35 საათი იქნებოდა, ასათიანის კუთხეში მანქანაში ვიჯექი მეგობრებთან ერთად. ძალიან დიდი ხმა გავიგე. შევხედე, მოტოციკლეტი მოდიოდა დიდი სისწრაფით, შუქნიშანზე არ გაჩერებულა და შეუხვია მარჯვნივ, ანუ იპოდრომის მხარეს, ასევე ძალიან დიდი სისწრაფით მისდევდა პატრულის მანქანა, შეიძლება ითქვას, რომ მათ შორის მანძილი ძალიან მცირე იყო", - ყვება დევნის თვითმხილველი დანიბეგაშვილი.
შინაგან საქმეთა სამინისტრო უარყოფს პატრულის მხრიდან მძღოლის დევნის ფაქტს. აი, რა განუცხადეს AMBEBI.GE-ს უწყების პრესსამსახურში:
"საპატრულო პოლიციის მხრიდან დევნას ადგილი არ ჰქონია. საპატრულო პოლიციის ეკიპაჟი შეეცადა, შეეჩერებინა გადაჭარბებული სიჩქარით მოძრავი მოტოციკლი, ასევე მათ გადასცეს სხვა ეკიპაჟებს, რომ შეეჩერებინათ მოტოციკლი, თუმცა სანამ შემხვედრი ეკიპაჟი შეხვდებოდა მოტოციკლს, მოხდა ავტოსაგზაო შემთხვევა. შემდგომი ძიების ფარგლებში დადგინდა, რომ მოტოციკლის მძღოლს მართვის უფლება ჩამორთმეული ჰქონდა", - განმარტეს შსს-ში.
მარიამ ლორთქიფანიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
