30
მარტიდღის ზოგადი ასტროლოგიური პროგნოზი
მთავარი პროკურატურა ბესიკ ხარძიანის უფროსი შვილის განცხადებებზე კომენტარს არ აკეთებს, თუმცა აღნიშნავს, რომ ხარძიანის ოჯახის წევრები დაკითხულები არიან.
როგორც "ინტერპრესნიუსს" პროკურატურაში განუცხადეს, გარდა იმისა, რომ ოჯახის წევრები დაკითხულები არიან, გამოძიების ინტერესებიდან გამომდინარე, სხვა კომენტარს ვერ აკეთებენ.
"ინტერპრესნიუსის" შეკითხვაზე, დაკითხულთა შორის არიან თუ არა ხარძიანის პირველი მეუღლე და უფროსი შვილი, პროკურატურაში განაცხადეს, რომ გამოძიებას ჩვენება მათაც მისცეს.
მოკლული ბიზნესმენის, ბესიკ ხარძიანის შვილი პირველი ქორწინებიდან, მიხეილ ხარძიანი აცხადებს, რომ მამამისის მკვლელობა ბიზნესმენის მეორე მეუღლემ, ეკა ნონიკაშვილმა შეუკვეთა. ამის შესახებ მიხეილ ხარძიანმა დედასთან და დასთან ერთად გამართულ პრესკონფერენციაზე განაცხადა.
მიხეილ ხარძიანის თქმით, მას გააჩნია ინფორმაცია, რომ მამამისი ეკა ნონიკაშვილმა დააჭერინა ქონების მითვისების გამო.
"მისი გარდაცვალება, პირადად მე მიმაჩნია, რომ ეკა ნონიკაშვილმა დაუკვეთა", - განაცხადა მიხეილ ხარძიანმა.
