გიორგი არველაძის მიერ უკრაინაში მიმდინარე მოვლენების Facebook-ზე შეფასებას სკანდალი მოჰყვა. სტატუსი, რომლის შინაარსის მიხედვით, საქართველოს ეკონომიკის ყოფილი მინისტრი, გიორგი არველაძე წუხდა, რომ ქართველია, ინტერნეტის ათასობით მომხმარებელმა განიხილა; ყველაზე კრიტიკულად და უხამსად კი არველაძეს მსახიობი გიორგი ყიფშიძე გამოეხმაურა.
"შენი გამჩენი მოვ...ნ" - ამ სამი სიტყვით შემოიფარგლა მსახიობი არველაძის შეფასებისას, თუმცა ეს სრულიად საკმარისი აღმოჩნდა იმისთვის, რომ Facebook ინტერნეტ-აუდიტორიის უმრავლესობის ყურადღება მიეპყრო. გიორგი არველაძე გიორგი ყიფშიძეს რამდენიმე საათში გამოეხმაურა და შემდეგი საპასუხო სტატუსი დაწერა:
"სოციალურ ქსელებში გინება პატარა კაცების საქმეა.. კაცუნების... ისეთების, რომლებსაც ამის კეთება თვალებში ჩახედვით არ შეუძლიათ..."
