26
მარტიდღის ზოგადი ასტროლოგიური პროგნოზი
თბილისის მერმა გიგი უგულავამ პროკურატურის შენობა უკვე დატოვა. როგორც დაკითხვის შემდეგ გიგი უგულავამ ჟურნალისტებთან საუბრისას განაცხადა, საქმე აბსურდულია, თავიდან ბოლომდე ეს არის პოლიტიკური გადაწყვეტილება და იგივე ჩვენებები არსებობს, რაც სხვა საქმებებში.
"განსხვავება ის არის, რომ თბილისის მაგივრად რუსთავის სასამართლოში ვივლი. მოდის ადგილობრივი არჩევნები და უჭირს მთავრობას, რადგან ივანიშვილმა არაადეკვატური და უსუსური კანდიდატი დატოვა და ახლა ფიქრობენ, როგორ შეასაღონ ეს კანდიდატი თბილისს", - აღნიშნა უგულავამ.
დედაქალაქის მერის თქმით, ამისთვის აუცილებელია, ყველა სხვა კანდიდატის ჩამოშორება და ბუტაფორული კანდიდატების შექმნა, დღევანდელი დღეც მხოლოდ და მხოლოდ ამას ემსახურება.
"მინდა, მათ გასაგონად ვთქვა, ვინც ეს გადაწყვეტილება მიიღო, რუსთავში კი არა, მესტიის სასამართლოში ვივლი, იქაც დავამტკიცებ, რომ ვარ უდანაშაულო და შესაბამისად, ჩემს წინააღმდეგ წაყენებული ყველა ბრალდება საპნის ბუშტივით გასკდება", - აღნიშნა გიგი უგულავამ.
ამასთან, მან აქციის მონაწილეებს სიტყვით მიმართა, რის შემდეგაც აქციის მონაწილეებმა თბილისის მერი აქციიდან ტაშით გააცილეს.
უგულავას წინააღმდეგ ძიება საქართველოს სისხლის სამართლის კოდექსის 182-ე მუხლის მე-2 და მე-3 ნაწილებით მიმდინარეობს, რაც ითვალისწინებს თავისუფლების აღკვეთას 7-დან 11 წლამდე ვადით. საქმე ეხება დიდი ოდენობით ბიუჯეტის თანხების გაფლანგვასა და მითვისებას.
