მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მოკლედ: რომელი მინისტრები ტოვებენ კაბინეტს და რომელი სამინისტროები უქმდება
08:08 / 12-11-2017
მთავრობაში დაგეგმილი საკადრო და სტრუქტურული ცვლილებების შედეგად, მინისტრთა კაბინეტს რამდენიმე მინისტრი დაემშვიდობება.
უფრო კონკრეტულად, არსებული ინფორმაციით, მინისტრის პორტფელს დატოვებს:
შინაგან საქმეთა მინისტრი გიორგი მღებრიშვილი, განათლების მინისტრი ალექსანდრე ჯეჯელავა, სასჯელაღსრულების მინისტრი კახა კახიშვილი, რომელიც მთავრობის მიერ დაანონსებული, ახალი საგამოძიებო სტრუქტურის ხელმძღვანელად სახელდება, ასევე ენერგეტიკის მინისტრი ილია ელოშვილი, სპორტის მინისტრი ტარიელ ხეჩიკაშვილი, გარემოს დაცვის მინისტრი გიგლა აგულაშვილი, ასევე ევროინტეგრაციის საკითხებში სახელმწიფო მინისტრი ვიქტორ დოლიძე.
ამასთან, რამდენიმე უწყება, სავარაუდოდ, გაერთიანდება. კერძოდ, დაგეგმილია ეკონომიკისა და ენერგეტიკის, კულტურისა და სპორტის, სასჯელაღსრულებისა და იუსტიციის, ასევე გარემოსა და სოფლის მეურნეობის სამინისტროების შერწყმა. ევროინტეგრაციის საკითხებში სახელმწიფო მინისტრის თანამდებობა კი უქმდება და აღნიშნული მიმართულება საგარეო საქმეთა სამინისტროსთან გაერთიანდება.
თუმცა, არაოფიციალური ინფორმაციით, მინისტრის თანამდებობის დატოვების შემდეგ რამდენიმე მათგანმა შესაძლოა მუშაობა კვლავ აღმასრულებელ ხელისუფლებაში განაგრძოს და მათ იმ მიმართულებებს გაუწიონ კურირება, რომელთა სამინისტროების ხელმძღვანელებიც იყვნენ და რომლებიც ამჯერად სხვა უწყებებთან ერთიანდება.
აღსანიშნავია, რომ არსებული ინფორმაციით, გაერთიანების შემდეგ ეკონომიკისა და ენერგეტიკის სამინისტროს ფინანსთა მინისტრი დიმიტრი ქუმსიშვილი ჩაიბარებს, კულტურისა და სპორტის გაერთიანებულ უწყებას - კულტურის მინისტრი მიხეილ გიორგაძე, სასჯელაღსრულებისა და იუსტიციის სამინისტროს - იუსტიციის მინისტრი თეა წულუკიანი, სოფლის მეურნეობისა და გარემოს გაერთიანებულ უწყებას კი, კვლავ სოფლის მეურნეობის მინისტრი ლევან დავითაშვილი.
არსებული ინფორმაციით, ფინანსთა მინისტრის თანამდებობაზე დიმიტრი ქუმსიშვილის შემცვლელად "საქართველოს რკინიგზის" ხელმძღვანელის, მამუკა ბახტაძისა და ქუმსიშვილის პირველი მოადგილის, გიორგი თაბუაშვილის კანდიდატურები განიხილება. რაც შეეხება შინაგან საქმეთა სამინისტროს, აღნიშნულ ძალოვან უწყებას სავარაუდოდ ეკონომიკის მინისტრი გიორგი გახარია ჩაიბარებს.
განახლება: დღის ბოლოს ცნობილი გახდა, რომ ორი სამთავრობო უწყება - სასჯელაღსრულების სამინისტრო და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი ფუნქციონირებას არსებული სახით გააგრძელებს და ცვლილებები ამ ეტაპზე არ შეეხება. ამის შესახებ მთავრობაში გამართული კონსულტაციებისას შეთანხმდნენ. შესაბამისად პოსტებს ინარჩუნებენ მინისტრები - კახა კახიშვილი და ვიქტორ დოლიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
