მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინის "ღამის მგლები" საქართველოში არ შემოუშვეს
03:11 / 03-05-2017
პუტინის "ღამის მგლებს" საქართველოში შემოსვლის გეგმები ჩაეშალათ. შინაგან საქმეთა სამინისტროს ინფორმაციით, რუს ბაიკერებს საქართველოში შემოსვლაზე უარი ეთქვათ. როგორც AMBEBI.GE-ს შსს-ში განუცხადეს, ე.წ. ღამის მგლებს საქართველოში შემოსვლა გუშინ, ლარსის გამშვები პუნქტიდან სურდათ.
არსებული ინფორმაციით, საუბარია 50-მდე რუს ბაიკერზე. როგორც ცნობილია, ე.წ. ღამის მგლებს საქართველოში 9 მაისთან დაკავშირებული ღონისძიების ფარგლებში, პერფორმანსის გამართვა ჰქონდათ დაანონსებული.
ინფორმაცია იმის შესახებ, რომ რუს ბაიკერებს საქართველოში შესვლასთან დაკავშირებით პრობლემები ექმნებოდათ, რამდენიმე რუსულმა საინფორმაციო სააგენტომ გაავრცელა. რუსულ სააგენტოსთან საუბარში რამდენიმე ბაიკერმა აღნიშნა, რომ 2 მაისს, როცა ზემო ლარსიდან საქართველოში გადასვლას ცდილობდნენ, მესაზღვრეებმა მათ პასპორტებში უარის შტამპი ჩაურტყეს, ისე რომ მათთვის მიზეზი არ აუხსნიათ. მათივე ინფორმაციით, საუბარია 50-მდე ბაიკერზე.
როგორც რუსული სააგენტო იტყობინება, აკრძალვა სავარაუდოდ მაისის ბოლომდე გაგრძელდება (სწორედ მაისის პერიოდში აწყობენ რუსი ბაიკერები ე.წ მოტოგარბენს, რომლის მიზანი "ფაშიზმზე გამარჯვების" ბერლინში აღნიშვნაა).
გუშინ, რუსი ბაიკერების საქართველოში შესაძლო შემოსვლასთან დაკავშირებით კომენტარი გააკეთა შინაგან საქმეთა მინისტრის მოადგილე შალვა ხუციშვილმა:
"რაც შეეხება რუს ბაიკერებს - "ღამის მგლებს", საქართველოში მათ ვიზიტსა და დაანონსებულ 9 მაისის აღსანიშნავ პერფორმანსში მონაწილეობას, გასათვალისწინებელია, რომ შარშან მსგავსმა აქციამ საზოგადოებაში გარკვეული ვნებათაღელვა და უკმაყოფილება გამოიწვია, ასევე ადგილი ჰქონდა გარკვეულ ინციდენტებსაც. ჩვენი საზოგადოების მნიშვნელოვანი ნაწილისთვის მიუღებელია "ღამის მგლების" მიერ დაანონსებული სტუმრობა და პერფორმანსი, რაც არ შეესაბამება 9 მაისის დღესასწაულის სულისკვეთებას. ამგვარად, საქართველოში აღნიშნულ პერიოდში რუსი ბაიკერების სტუმრობა არასასურველად მიგვაჩნია", - განაცხადა შალვა ხუციშვილმა.
აღსანიშნავია, რომ არაერთმა ევროპულმა სახელმწიფომ, მათ შორის პოლონეთმა არაერთხელ უთხრა "ღამის მგლებს" უარი ქვეყანაში შესვლაზე, თუმცა, ისინი ყოველწლიურად მცდელობას მაინც განაგრძობენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
