მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემთვის მიხეილ სააკაშვილი... იქ დამთავრდა" - რას ამბობს გიგი უგულავა ექს-პრეზიდენტზე 15-წლიანი თანამებრძოლობის შემდეგ
07:21 / 12-01-2017
"მიხეილ სააკაშვილი არის დღეს მხოლოდ და მხოლოდ საკუთარი თავის პრობლემა" - ამის შესახებ თბილისის ყოფილმა მერმა გიგი უგულავამ განაცხადა.
უგულავამ "ნაციონალური მოძრაობის" დატოვების შემდეგ გამართულ ბრიფინგზე საქართველოს ყოფილ პრეზიდენტზე ისაუბრა და აღნიშნა, რომ ის ლიდერობის ღირსი არ არის.
"არ მიყვარს მიკიბ-მოკიბული საუბარი, ეს ერთი კვირა რასაც ვაკვირდებოდი, ძალიან მძიმე სურათი დამხვდა და თუ რამე შანსი იყო, რომ პარტიის ერთიანობა შენარჩუნებულიყო, მე მაქსიმუმს დავდებდი და ყველაფერს გავაკეთებდი, რომ ეს პარტია გადარჩენილიყო. ეს პარტია არ შეუქმნია მიხეილ სააკაშვილს, ის იყო ამ პარტიის პირველი თავმჯდომარე, მაგრამ ეს პარტია შექმნა ძალიან ბევრმა თავისუფალმა, ძლიერმა ადამიანმა. ნაწილი მათგანი დღეს ციხეში იმყოფება, მათ შორის პარტიის გენერალური მდივანი.
ეს პარტია შექმნა ბევრმა თავზეხელაღებულმა ადამიანმა, იმიტომ, რომ დღეს ებრძოლო ივანიშვილს, რომელსაც 5 მილიარდი აქვს და ყველა სახელმწიფო აპარატი უზის ჯიბეში, ნიშნავს იყო თავზე ხელაღებული. ყველას კარგად უნდა გვესმოდეს, რომ დღეს საქართველოს მთავარი პრობლემა არის ბიძინა ივანიშვილი და მისი არაფორმალური მმართველობა, მიხეილ სააკაშვილი არის დღეს მხოლოდ და მხოლოდ საკუთარი თავის პრობლემა. მიხეილ სააკაშვილი თითოეული ჩვენგანისთვის არის ადამიანური ტკივილი", - განაცხადა გიგი უგულავამ.
თბილისის მერმა პარტიის ერთ-ერთი წევრი ლელა ქებურია გაიხსენა და მიხეილ სააკაშვილი მასთან დაკავშირებით გაკეთებული განცხადებების გამო გააკრიტიკა.
"მას შემდეგ, რაც ლიდერი და ქვეყნის ყოფილი პრეზიდენტი, ლელა ქებურიას, რომელიც 2013 წლის შემდეგ მოვიდა პარტიაში, იმ პერიოდში, როცა ივანიშვილის "ტიტუშკები" კვერცხებს და კარტოფილებს ისროდნენ, კორცხელში მუტრუკებს გადაეფარა, დაუწყებს "პრავების კაჩავს", არ არის ლიდერობის ღირსი. ეს ადამიანი აღარ ასხივებს ლიდერობას. მე ამას ვამბობ გულის ტკივილით, რადგან ეს არ არის მიხეილ სააკაშვილი, რომელიც ლიდერობას ასხივებდა, რომელიც ხალხს აძლევდა იმედს 2002 წელს", - აღნიშნა გიგი უგულავამ.
"როცა შენ საკუთარ შექმნილ, მეგობრებთან და მებრძოლებთან შექმნილ პარტიას დაანგრევ, გაქვს კი შენ ამის უფლება? კი ბატონო, დღეს მას აქვს ამის უფლება, მე მასთან პოლიტიკურ ჭიდილში და პოლემიკაში არ შევალ, რადგან დღეს ის არის პოლიტიკური დევნილი და იქნება იქამდე, სანამ უაზრო საქმეები იქნება აღძრული მასზე და ჩვენს თანამებრძოლებზე. მაგრამ ამ მარაზმში მონაწილეობა არ შეიძლება. ჩემთვის წითელი ხაზი იყო, როდესაც მე ზუგდიდის საუბარი მოვისმინე (2016 წლის დეკემბერი, როცა სააკაშვილმა "ნაციონალური მოძრაობის" კონფერენციაზე ვიდეო ჩართვისას თანაპარტიელები გააკრიტიკა), ჩემთვის სააკაშვილი, რომელთან ერთადაც 2002 წლიდან, თუ 1999 წლიდან მოვდივარ, იქ დამთავრდა.... მან არ დატოვა 1 პროცენტიც კი ერთიანობის. დიახ, ამ პარტიის დანგრევაზე პასუხისმგებელი არის ერთადერთი ადამიანი, ადამიანი, რომელმაც ეს პარტია შექმნა", - აღნიშნა გამოსვლისას გიგი უგულავამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
