მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაძაბულობის პიკი" "ნაციონალებში": რა სცენარით გადაჯგუფდება საპარლამენტო უმცირესობა
07:00 / 08-01-2017
"ნაციონალური მოძრაობის" წევრ ზაზა ბიბილაშვილის ინფორმაციით, ე.წ. ბოკერია-უგულავას გუნდის წევრები ფრაქცია "ნაციონალური მოძრაობის" თავმჯდომარეობიდან ნიკა მელიას გადაყენებას გეგმავენ.
როგორ ზაზა ბიბილაშვილმა ჟურნალისტებს განუცხადა, ამ მიზნით აღნიშნული ჯგუფი წერილობით 5 პირის ხელმოწერით მელიას ხვალ, 10:00 საათზე, თბილისში, პარლამენტის შენობაში იბარებს.
"ეს არის მცდელობა შეინარჩუნონ სკამები მაშინ, როცა მათ დაკარგეს პარტიის ნდობა. უხერხულია, როცა ეს ჯგუფი ფარისევლურად გვესაუბრება დემოკრატიულ ღირებულებებზე. 20 იანვარს მრავალათასიან ყრილობაზე "ნაციონალური მოძრაობა" დაადასტურებს, რომ არა ასეთი, არამედ სახალხო დემოკრატიული მოძრაობაა, სადაც ყველა საკითხი საჯაროობისა და ამომრჩევლის ნების პატივისცემის რეჟიმში წყდება", - განაცხადა ბიბილაშვილმა.
ფრაქცია "ნაციონალური მოძრაობის" წევრი ირმა ნადირაშვილი ადასტურებს, რომ ხვალ, ფრაქციის სხდომაზე ნიკა მელიას თავმჯდომარეობიდან გადაყენების საკითხი განიხილება. როგორც ნადირაშვილმა ჟურნალისტებს განუმარტა, ამ საკითხზე ჩატარდება კენჭისყრა და ფრაქციის წევრები გადაწყვეტილებას ხმათა უმრავლესობით მიიღებენ. მისივე თქმით, თუ ნიკა მელიას გადაირჩევენ, ხვალვე ფრაქციის ახალ თავმჯდომარეს აირჩევენ.
"ნიკა მელია არის ადამიანი, რომელიც ხშირად იცვლის პოზიციებს. მან ვერ გაუძლო ვერც ერთ კრიტიკულ ვითარებას. მას მერე, რაც ის მიეკედლა მეორე გუნდს, ვითარება და ურთიერთობები უკიდურესად დაეძაბა ამ ორ ჯგუფს და დაძაბულობამ პიკს მიაღწია. შესაბამისად, ალბათ არავისთვის უნდა იყოს გასაკვირი, რომ ადამიანების უმრავლესობა ამ ფრაქციაში ფიქრობდეს, რომ ასეთი ლიდერი არ სჭირდებათ. ხვალ არის ეს სხდომა დანიშნული, გადაწყვეტილებას ფრაქციის წევრები მიიღებენ კენჭისყრით და ხმათა უმრავლესობით", - განაცხადა ნადირაშვილმა.
"ნაციონალური მოძრაობის" კიდევ ერთი წევრის, დავით დარჩიაშვილის განცხადებით, "პარტიის შიგნით უკვე არსებითად იდეოლოგიური უთანხმოებაა და ბუნებრივია, რომ ფრაქციაშიც გადაჯგუფება მოხდება. მიმდინარეობს სერიოზული პროცესი - პარტიის იდეოლოგიური, სტრატეგიული გაყოფა".
"ინტერპრესნიუსის" კითხვაზე, აქვს თუ არა ნიკა მელიას დამოუკიდებელი საპარლამენტო ფრაქციის ფორმირების რესურსი ან რამდენად მოსალოდნელია, საპარლამენტო უმცირესობის დაშლა, დარჩიაშვილმა განაცხადა, "ჯერ სურათი ბოლომდე ნათელი არ არის".
"ჯერ პროცესი არ დასრულებულა - ადამიანები არიან ფიქრში, გადაწყვეტილების მიღების პროცესში და ჯერ ეს გადაწყვეტილებები ბოლომდე არ ჩანს. ციხიდან გამოვიდა გიგი უგულავა, რომელმაც თქვა, რომ თუკი ნახევარი პროცენტი არსებობს იმისა, რომ კონფლიქტი გადაწყდეს, ის ამას ეცდება. ჯერ სურათი ბოლომდე ნათელი არ არის", - აღნიშნა დავით დარჩიაშვილმა.
რაც შეეხება თავმჯდომარეობიდან გადაყენებულ ნიკა მელიას, ის თანამოაზრეებთან ერთად ცალკე საპარლამენტო ფრაქციის ფორმირებისთვის ემზადება. ახალი ფრაქციის ჩამოყალიბება "ნაციონალური მოძრაობის" ყრილობის შემდეგ იგეგმება, რაც თავის მხრივ, პარტიის გაყოფის პროცესის გაგრძელება იქნება.
"ინტერპრესნიუსის" ინფორმაციით, ფრაქციას კვლავ ნიკა მელია უხელმძღვანელებს და მის შემადგენლობაში შევლენ ფრაქცია "ნაციონალური მოძრაობის" წევრები: თინათინ ბოკუჩავა, კობა ნაყოფია, რამაზ ნიკოლაიშვილი, აზერ სულეიმანოვი. სააგენტოს ინფორმაციით, სამომავლოდ ამავე ფრაქციაში ვიხილავთ ამჟამად ფრაქცია "ნაციონალური მოძრაობა - საქართველოს წინსვლისთვის" წევრებს: - სალომე სამადაშვილს, რომან გიცირიძესა და გიორგი ტუღუშს. ამასთან, არსებული ინფორმაციით, შესაძლოა ტუღუში არც ერთ ფრაქციაში არ შევიდეს და პარლამენტში ე.წ. დამოუკიდებელი დეპუტატის სტატუსით დარჩეს.
აღნიშნული სცენარით გადაჯგუფების შედეგად, საპარლამენტო უმცირესობა არ დაიშლება და უმცირესობის სტატუსს ბაქრაძე-ბოკერიას ფრთა შეინარჩუნებს, ნიკა მელია და მისი თანაფრაქციელები კი, პარლამენტში ე.წ. დამოუკიდებელი ფრაქციის წევრების სტატუსით იქნებიან.
ამასთან, როგორც მოსალოდნელია, "ნაციონალური მოძრაობიდან" წამოსვლის შემთხვევაში, მისი ლიდერები უგულავა-ბოკერია-ბაქრაძე თანამოაზრეებთან ერთად პარტია "ევროპულ საქართველოს" შეუერთდებიან. აღნიშნული პარტია 8 ოქტომბრის არჩევნებში "ნაციონალური მოძრაობის" ბლოკში იყო გაერთიანებული და ის კვალიფიციური სუბიექტია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
