"ამბობენ, რომ გარდაცვლილს ორგანოები ამოცლილი ჰქონდა" - სასტიკ მკვლელობასთან დაკავშირებით კანიბალიზმის ვერსიაც განიხილება

თბილისში, გაბრიელ სალოსის ქუჩაზე მომხდარ საზარელ მკვლელობასთან დაკავშირებით გამოძიება კანიბალიზმის ვერსიაზეც მუშაობს. Ambebi.ge-ს სანდრო წყარომ სასტიკი დანაშაულის უცნობი დეტალების შესახებ უამბო.

"საშინელი დანაშაული ჩაიდინეს ამ გოგომ და მისმა სექტანტმა ამხანაგებმა. ქალი ჯერ მოკლეს, მერე დაჩეხეს და დაწვეს. თურმე ქალს ორგანოების ამოცლილი ჰქონდა, მაგრამ ამ ვერსიას ოფიციალურად არავინ ამხსელს", - ამბობს სანდრო წყარო ჩვენთან საუბარში.

როგორც ირკვევა ბრალდებულები სექტის წევრები იყვნენ და არ არის გამორიცხული, ქალბატონის მკვლელობა რიტუალის დროს მომხდარიყო. მკვლელობის ადგილიდან ამოღებულია ნივთმტკიცებულებები, რომელთა შორის არის სამზარეულოს ნივთები - ტაფა, ქვაბი და სხვა. სწორედ ეს იძლევა ვარაუდის საფუძველს, რომ შესაძლოა საქმე გვაქვს კანიბალიზმთან.

ცნობისთვის, შინაგან საქმეთა სამისნისტრომ 70 წლამდე ქალის მკვლელობის ბრალდებით 5 პირი დააკავა. დაკავებულთაგან ერთი - 18 წლის გოგონა მოკლულის შვილია, მეორე - გოგონას შეყვარებული, დანარჩენი 3 პირი კი მათი მეგობრები.

გამოძიების ინფორმაციით, დაკავებულთაგან სამმა პირმა 70 წლამდე ქალი ელექტროშოკით გაგუდეს, შემდეგ კი დანა ჩაარტყეს, მოკლეს და დაანაწევრეს, ამის მერე კი დანაწევრებული გვამი გლდანში მდებარე გაუქმებულ ნაგავსაყრელზე ორი ჩანთით გაიტანეს, ბენზინი გადაასხეს და დაწვეს.

დაკავებულთაგან სამს დამამძიმებელ გარემოებაში ჯგუფურად ჩადენილი მკვლელობა ბრალდება, 2 პირს კი დანაშაულის შეუტყობინებლობა.

თამარ ბოჭორიშვილი

AMBEBI.GE

ასევე წაიკითხეთ: "შვილი დაეღუპათ, მერე ეს გოგო აიყვანეს... საშინელ სექტაშია გაწევრიანებული" - რას ჰყვებიან სასტიკად მოკლული ქალის მეზობლები