მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემო შვილებო... ჩემო აჭარლებო" - რა მიმართვას ავრცელებს მიხეილ სააკაშვილი "ფეისბუკზე"
04:22 / 09-08-2016
საქართველოს ყოფილი პრეზიდენტი, მიხეილ სააკაშვილი აჭარლებისთვის მიმართვას ავრცელებს. ვიდეომიმართვაში, რომელიც სოციალურ ქსელებში გავრცელდა, მიხეილ სააკაშვილი "ერთიანი ნაციონალური მოძრაობის" მიერ აჭარაში გატარებულ რეფორმებს იხსენებს.
მისი თქმით, ბათუმში რაც გაკეთდა ეს იმის 20%-იც კი არ არის, რაც მთელ აჭარაში უნდა გაკეთდეს. მიხეილ სააკაშვილი პირდება აჭარის მოსახლეობას, რომ მათ გადაუწყვეტს დასაქმების, ფინანსურ და სხვა პრობლემებს.
"ჩემო ძვირფასო ძმებო და დებო, ჩემო შვილებო, ჩემო საყვარელო უფროსო თაობავ, ჩემო აჭარლებო. გულის ფანცქალით ვადევნებ თვალს ყველაფერს რაც ხდება და ასევე გულის ფანცქალით ველოდები ფეხის დადგმას საქართველოსა და, რა თქმა უნდა, მათ შორის, რა თქმა უნდა, აჭარის მიწაზე. ლევანის ჩამოსვლა არა მხოლოდ დიდი მოვლენა იყო ლევანისთვის პირადად და ბევრი ადამიანისთვის, არამედ მათ ჩემი გულის ნაწილი გამოვატანე მას. 2004 წელს რომ არა თქვენი გმირობა და თავდადება, ჩვენ ვერ დავიბრუნებდით აჭარას. ბათუმში ჩვენ რაც გავაკეთეთ ეს იმის 20%-იც კი არ არის, რაც მთელ აჭარაში უნდა გაკეთდეს. ყველაფერი ჩვენ კიდევ წინ გვაქვს ბევრი რაღაცა ძალიან მაგრად გაკეთდა. უბრალოდ ბევრად მეტი უნდა გვემუშავა ხალხთან, ბევრად მეტი მონაწილეობით უნდა გაკეთებულიყო თითოეული მოქალაქის, თითოეული მცხოვრების, თითოეული ქობულეთელის, ბათუმელის, ხელვაჩაურელის, შუახეველის, ქედელის, ხულოელის, თითოეული თვენგანის მონაწილეობით უნდა გაკეთებულიყო ყოველივე ეს და გაკეთდება კიდეც. მე ვარ დარწმუნებული, რომ ჩვენ გადავწყვეტთ ბანკების ვალების პრობლემასაც, იმის პრობლემასაც, რომ თუ ვიღაცის ნათესავი არ ხარ წინსვლა არ გაქვს და სხვა მხრივ პრობლემებს გიქმნიან, იმის პრობლემასაც, რომ დანაშაული გაიზარდა. ძალიან ბევრი პროექტი გვაქვს წინ და თითოეული თქვენგანი ნახავს ამ პროექტის სარგებელსა და ხეირს. ამისთვის არის იქ ლევანი, ამისთვის ვიქნები მანდ მე თქვენთან ერთად. თქვენ არ დაგჭირდებათ თურქეთში გადასვლა პატარ-პატარა შემოსავლის მისაღებად, იმდენი შემოსავალი გვექნება ბათუმში, იმდენი ახალი, მაღალანაზღაურებადი სამუშაო ადგილი შეიქმნება ბათუმში, ქობულეთში, აჭარის მთაში, რომ არსად წასვლა თქვენ არ დაგჭირდებათ. ჩვენ მარტო სეზონზე კი არ უნდა ვიყოთ ორიენტირებული, იმიტომ ვაშენებდით ტექნოლოგიურ უნივერსიტეტს, იმიტომ ვაშენებდით საავადმყოფოებს, იმიტომ ვაშენებდით ფინანსურ ცენტრებს, რომ მთელი წელი არ იყოს ერთი დღეც კი, როცა თქვენ არ გექნებათ სამსახური და მაღალი შემოსავალი. არ იყოთ დამოკიდებული სეზონურ რყევებზე, არ იყოთ დამოკიდებული თუ რა იქნება მხოლოდ ციტრუსის ფასი, თუმცა ეს მაღალი უნდა იყოს. ყოველდღე უნდა იყოს არჩევანი, სად არის უფრო მაღალანაზღაურებადი, იმიტომ, რომ უნდა იყოს ერთმანეთზე უკეთესი მაღალანაზღაურებადი სამსახურები აჭარას აქვს ამის პოტენციალი და ჩვენ ვიცით ეს როგორ გავაკეთოთ. ლევანმა და მე ბევრი გამოცდილება მივიღეთ, მათ შორის უკრაინაში და ვიცით როგორ გავაკეთოთ ეს კიდევ უკეთესად. რაც არ უნდა მოხდეს, ჩვენ გვაქვს თქვენი იმედი და თქვენ უნდა გქონდეთ ჩვენი იმედი. ჩვენ ნამდვილად არ მიგატოვებთ და არ გიღალატებთ. ერთად კი ყველაფერს გადავწყვეტთ", - განაცხადა მიხეილ სააკაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
