ხვალ რომ არჩევნები ტარდებოდეს "ქართულ ოცნებას" - 15%, " ნაციონალურ მოძრაობას" 13% მისცემდა ხმას
NDI-ის კვლევის თანახმად, გამოკითხულთა 15% ხვალ რომ საპარლამენტო არჩევნები ტარდებოდეს, ხმას "ქართულ ოცნებას" მისცემდა, 13% - " ნაციონალურ მოძრაობას".
ამასთან, "ეროვნულ-დემოკრატიული ინსტიტუტის" კვლევის თანახმად, გამოკითხულთა 38%-მა არ იცის, თუ ვის მისცემდა ხმას, ხვალ რომ საპარლამენტო არჩევნები ტარდებოდეს. გამოკითხულთა 12%-მა კითხვაზე პასუხის გაცემაზე უარი განაცხადა, 6 % არც ერთ პარტიას არ მისცემდა ხმას.
გამოკითხულთა 6% აცხადებს, რომ ხვალ რომ საპარლამენტო არჩევნები იყოს ხმას, "თავისუფალ დემოკრატებს" მისცემდა, 4 % - "ლეიბორისტულ პარტიას, ხოლო "პატრიოტთა ალიანსს" – 3%. გამოკითხულთა 3% კითხვაზე პასუხად სხვა პარტიებს ასახელებს, რომლებს შორისაც იგულისხმება "ნინო ბურჯანაძე გაერთიანებული ოპოზიცია", "თავისუფალი საქართველო", "ახალი მემარჯვენეები", "გირჩი" და "საქართველოს გზა".
"ეროვნულ-დემოკრატიული ინსტიტუტის" კვლევის საველე სამუშაოები საქართველოს მასშტაბით 23 თებერვლიდან 14 მარტამდე პერიოდში ჩატარდა. გამოკითხვაში მონაწილეობა 3 900-მა პირმა პირისპირ ინტერვიუს წარმომადგელობითი შერჩევის საფუძველზე მიიღო. საზოგადოების განწყობის 2016 წლის მარტის კვლევა NDI-ის დაკვეთით CRRC-მ ჩაატარა.
ასევე წაიკითხეთ:
გამოკითხულთა 42% გიორგი კვირიკაშვილის საქმიანობას საშუალოდ აფასებს
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
