მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მურვან ყრუ არ სძულდა ხალხს ისე, როგორც ესენი სძულს" - გოგი თოფაძე ძმებ ბერძენიშვილებზე
13:38 / 18-02-2016
ფრაქცია "მრეწველების" ლიდერი გოგი თოფაძე ლევან და დავით ბერძენიშვილების კრიტიკას ასევე მწვავე კრიტიკით პასუხობს. როგორც თოფაძემ ტელეკომპანია "იბერიის" ეთერში განმარტა, ის ამ შემთხვევაში არა "რესპუბლიკური პარტიის", არამედ ძმები ბერძენიშვილების წინააღმდეგია.
"ლევან ბერძენიშვილს შუბლის ძარღვი გაწყვეტილი რომ არ ჰქონდეს, ასე აქტიურად არ ჩაერეოდა ამ ყველაფერში.მოგიყვანთ ერთ მაგალითს, 80-იან წლებში მან სამარცხვინო რამ გააკეთა, როდესაც თავისი თანაგუნდელები, რომელიც ციხეში ერთად ისხდნენ პოლიტიკური ნიშნით, ჩაუშვა. თვითონ გათავისუფლდა, სამსახურიც დაიწყო და ეს ადამიანები ციხეში გაუშვა. აღარ მივყვები კიდევ მის ბიოგრაფიას. დღეს მან ერთ-ერთ გაზეთში გააგრძელა კვლავ ჩემი კრიტიკა. მას მიაჩნია, რომ მე ევროკავშირის წევრობა არ მინდა. ამართლებს თინა ხიდაშელს. თუ რამე არასწორი ვთქვი ამ საკითხზე, შუეძლიათ მიჩივლონ. კიდევ ერთხელ ვამბობ, ლევან ბერძენიშვილს მორალური უფლება არ აქვს ასეთი განცხადებები გააკეთოს, რადგან ისეთი "ვაჟკაცობები" აქვს ჩადენილი...", - ამბობს თოფაძე.
დეპუტატის განცხადებით, ძმები ბერძენიშვილები კოალიციის გარეშე არაფერს წარმოადგენენ და ფიქრობს, რომ ისინი "ქართული ოცნებიდან" გასვლას "ვერც გაბედავენ".
"ნუ იჩემებენ, რომ წამყვანი გუნდი არიან კოალიციაში. პირიქით, ვერსად მარტო ვერ იყრიან კენჭს. ესენი სძულს საქართველოს მოსახლეობას... მურვან ყრუ არ სძულდათ ისე, როგორც ესენი. ვერ გაბედავენ კოალიციიდან ცალკე გავიდნენ. სადაც ლევან ბერძენიშვილი დააპირებს კენჭისყრას როგორც მაჟორიტარი, პირადად მე ჩავუდგები იქ და ვნახოთ როგორ და რას აიღებენ. ის, რომ უცხო ქვეყნის ელჩები უჭერენ მხარს, ამით ნუ მოაქვთ თავი. საქართველოსთვის სიკეთის გამკეთებლები არ არიან", - ამბობს თოფაძე.
ძმებ ბერძენიშვილებსა და გოგი თოფაძეს შორის დაპირისპირება თინა ხიდაშელის მისამართით გაკეთებული განცხადების შემდეგ დაიწყო. თოფაძემ თავდაცვის მინისტრი საგარეჯოს არჩევნების გაყალბებაში დაადანაშაულა. ბერძენიშვილებმა "მრეწველების" ლიდერის ამ განცხადებას ანტისახელმწიფობრივი უწოდეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
