"ჩაიკეტონ თავიანთ ოთახებში და იკოტრიალონ რამდენიც უნდათ" - კალაძის პირველი კომენტარი ახალ ჩანაწერებთან დაკავშირებით
დღეს საქართველოში ვერავინ გაბედავს გადატრიალებას, მაგ ადამიანებს შეუძლიათ, ჩაიკეტონ თავიანთ ოთახებში და იკოტრიალონ რამდენიც უნდათ, - ასე გამოეხმაურა ვიცე-პრემიერი, ენერგეტიკის მინისტრი კახა კალაძე დღეს გამოქვეყნებულ აუდიო ჩანაწერებს, რომლებიც სავარაუდოდ, მიხეილ სააკაშვილსა და ნიკა გვარამიას, აგრეთვე, მიხეილ სააკაშვილსა და სოფო ნიჟარაძეს შორის საუბარს ასახავს.
"მე ვფიქრობ, შეფასება არ არის საჭირო. ყველაფერი არის ნათელი, ყველამ ყველაფერი ვიცით, თუ რას გეგმავდა ეს ადამიანი. შესაბამის სამსახურებს ამ მიმართულებით დაწყებული აქვთ გამოძიება და დაველოდოთ, ძალიან საინტერესო იქნება. თუმცა მინდა, ქვეყნის მოსახლეობა დავამშვიდო - ხელისუფლება აბსოლუტურად ფლობს სიტუაციას და დღეს საქართველოში ვერავინ გაბედავს ვერც გადატრიალებას, ვერც რევოლუციის მოწყობას. მაგ ადამიანებს შეუძლიათ, ჩაიკეტონ თავიანთ ოთახებში და იკოტრიალონ რამდენიც უნდათ",- განაცხადა კახა კალაძემ.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
