მნიშვნელოვანი ინფორმაცია
22
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თინა ხიდაშელის პირადი, პროფესიული ცხოვრება და ქონება - ყველაფერი თავდაცვის მინისტრის კანდიდატი ქალბატონის შესახებ
02:12 / 01-05-2015
ირაკლი ღარიბაშვილმა დღეს გამართულ ბრიფინგზე მთავრობის ახალი შემადგენლობა დაასახელა. მინისტრთა კაბინეტში სამი ახალი მინისტრი იქნება [სრული ტექსტი]. თავდაცვის მინისტრის პოსტზე ღარიბაშვილმა თინა ხიდაშელის კანდიდატურა წარადგინა.
Ambebi.ge წარმოგიდგენთ თინა ხიდაშელის ცხოვრების მნიშვნელოვან ეპიზოდებს მისი საქმიანი და პირადი ცხოვრებიდან.
დაბადების თარიღი: 08.06.1973
განათლება: თბილისის სახელმწიფო უნივერსიტეტი (1995)
საერთაშორისო სამართლის ფაკულტეტი (ბუდაპეშტი, 1996)
ცენტრალური ევროპის უნივერსიტეტი, პოლიტიკურ მეცნიერებათა ფაკულტეტის მაგისტრატურა (ბუდაპეშტი, 1996)
ვაშინგტონის სამართლის სკოლა, ადამიანის უფლებათა საერთაშორისო სამართლის ფაკულტეტის მაგისტრატურა (1996)
საერთაშორისო ურთიერთობათა მაგისტრი, პოლიტიკურ მეცნიერებათა მაგისტრი (1996)
სპეციალობა: სამართალმცოდნე
სამუშაო გამოცდილება:
2010 – თბილისის საკრებულოს წევრი, საარჩევნო ბლოკი "ალიანსი საქართველოსთვის", ქონების მართვისა და საფინანსო-საბიუჯეტო კომისიისა და იურიდიულ საკითხთა კომისიის წევრი
2009-2010 – დედაქალაქის საქმეთა მდივანი, საქართველოს რესპუბლიკური პარტია
2005-2009 – საერთაშორისო მდივანი, საქართველოს რესპუბლიკური პარტია
2005-დღემდე – საერთაშორისო ორგანიზაციების კონსულტანტი სამართლის უზენაესობის, კორუფციასთან ბრძოლისა და ადამიანის უფლებათა დაცვის სფეროში (გაეროს ადამიანის უფლებათა კომისარიატი, გაეროს განვითარების პროგრამა, ღია საზოგადოების ინსტიტუტი, ევროპის საბჭო, წამების საწინააღმდეგო მსოფლიო ორგანიზაცია, წამების პრევენციის ასოციაცია, საერთაშორისო სავალუტო ფონდი და სხვ.)
2004-2005 – მმართველი საბჭოს თავმჯდომარე, ფონდი "ღია საზოგადოება – საქართველო"
2000-2004 – დირექტორი, კანონის უზენაესობის პროგრამა, ახალგაზრდა იურისტთა ასოციაცია
2004 – იელის უნივერსიტეტის მკვლევარი
2002-2004 – წევრი, სახელმწიფო ანტიკორუფციული საბჭო
1997-2000 – მასწავლებელი, ჰავაის ამერიკული უნივერსიტეტის თბილისის ინსტიტუტი
1997-1999 – დირექტორი, ადამიანის უფლებათა უმაღლესი კომისრისა და საქართველოს მთავრობის ერთობლივი პროექტი
1996-1997 – იურისტ-ექსპერტი, საერთაშორისო სავალუტო ფონდი
1994-1995 – უფროსი სპეციალისტი, საქართველოს პარლამენტი
პროფესიული ასოციაცია:
2008-დღემდე – წამების საწინააღმდეგო საერთაშორისო ორგანიზაციის საერთაშორისო სამდივნოს არჩეული წევრი, ევროპისა და ჩრდილოეთ ამერიკა წარმომადგენელი
2001-2008 წამების საწინააღმდეგო საერთაშორისო ორგანიზაციის გამგეობის არჩეული დელეგატი, აღმოსავლეთ ევროპის და პოსტსაბჭოთა ქვეყნების წარმომადგენელი
2008-დღემდე – გამგეობის წევრი, რესპუბლიკური ინსტიტუტი
2004-დღემდე – გამგეობის წევრი, იურიდიული განათლების ფონდი
1997-1999 და 2002-2004 – თავმჯდომარე, ახალგაზრდა იურისტთა ასოციაცია
1996-დღემდე – გამგეობის წევრი, კონსტიტუციის დაცვის ლიგა
სამეცნიერო სტატიებისა და წიგნების – "საერთაშორისო ორგანიზაციები" (1994), "რას ამბობს სისხლის სამართლის კანონები მესამე სექტორის შესახებ" – ავტორი.
მშობლები: ზიზილა ურგებაძე, ანზორ ხიდაშელი
მეუღლე – დავით უსუფაშვილი (1968).
შვილები: ალექსანდრე (2000), გრიგოლი (2006).
ჰობი: თხილამურებით სრიალი
თინა ხიდაშელის დეკლარირებული ქონება
თინათინ ხიდაშელს დეკლარაცია 2015 წლის 5 იანვარს აქვთ შევსებული, რომლის მიხედვით, თინა ხიდაშელის მიმდინარე ანგარიშზე "თი-ბი-სი ბანკში" 115462.10 ლარი და 14885.00 ევრო ირიცხება, მის სახელფასო ანგარიშზე ბანკ "ქართუში" კი 169.00 ლარი იყო.
რაც შეეხება უსუფაშვილი-ხიდაშელის შვილების, ალექსანდრესა და გრიგოლ უსუფაშვილების საბანკო ანგარიშებს, დეკლარაციის მიხედვით, ალექსანდრე უსუფაშვილს "თი-ბი-სი ბანკის" ანაბარზე 16800.00 დოლარი, გრიგოლ უსუფაშვილს ამავე ბანკში კი, 11200.00 დოლარი ჰქონდათ.
დეკლარაციის შევსებისას, დავით უსუფაშვილს ნაღდი ფულის სახით 8000.00 ლარი, თინათინ ხიდაშელს - 5000.00 ლარი, ზიზილა ურგებაძეს კი, 9000.00 დოლარი ჰქონდა.
რაც შეეხება ოჯახის შემოსავლებს, რომელიც უსუფაშვილმა და ხიდაშელმა წინა წელს მიიღო, ასე გამოიყურება:
თინათინ ხიდაშელი, საქართველოს პარლამენტი წევრი - 55989.35 ლარი.
დავით უსუფაშვილი, საქართველოს პარლამენტი თავმჯდომარე - 79083.00 ლარი;
დეკლარაციის მიხედვით, თინათინ ხიდაშელმა წინა წელს ქველმოქმედებისთვის 9700.00 ლარი გასცა.
ოჯახმა დავით უსუფაშვილის დაზღვევისთვის - 2460.00 ლარი, ხოლო მკურნალობისთვის 1955.00 ევრო დახარჯა.
ამავე წელს, თინათინ ხიდაშელმა სწავლის გადასახადისთვის 4300.00 ლარი გასცა.
თინათინ ხიდაშელს საერთაშორისო ორგანიზაციიდან შემოსავლის სახით 21540.00 ევროს გრანტი აქვს მიღებული, თუმცა, დეკლარაციაში ორგანიზაციის დასახელება და თინა ხიდაშელის შესრულებული სამუშაოს შესახებ ინფორმაცია არ იძებნება.
საერთაშორისო ორგანიზაციიდან მიღებული გრანტი უსუფაშვილი-ხიდაშელის დეკლარაციაში 2013 წელსაცაა მითითებული, რომლის ოდენობა 30209.00 ევროა, 2012 წელს შევსებული დეკლარაციის მიხედვით კი, გრანტი 13979.00 ევროა, თუმცა, ინფორმაცია ორგანიზაციის შესახებ არც წინა წლების დეკლარაციებშია აღნიშნული.
პირადი ცხოვრება
თინა ხიდაშელისა და დავით უსუფაშვილის წყვილი უკვე 18 წელია ერთად ცხოვრობს და მათ 2 შვილი ჰყავთ. წყვილმა კი ერთმანეთი 20 წლის წინ გაიცნო და როგორც თინა ხიდაშელი ამბობს, დღემდე ძლიერია სიყვარული. "20 წლის შემდეგაც ზუსტად ისე მიყვარხარ როგორც მაშინ, პირველ დღეს რომ გამოვუტყდი საკუთარ თავს", -ამ ტექსტით მან დავით უსუფაშვილს ცოტა ხნის წინ საჯაროდ, "ფეისბუქზე" მიმართა.
როგორც ცნობილია, იმის მიუხედავად, რომ მათ ოჯახს სამთავრობო დაცვა ეკუთვნის, მათი შვილები ამ უპირატესობით არ სარგებლობენ.
"გასაკვირია თუ არა ვინმესთვის, არ ვიცი, მაგრამ ჩემი შვილები დაცვით არ დადიან იმიტომ, რომ ძალიან მაგარი ბიჭები არიან და პირველ დღეს, როცა კითხვა დავუსვით, ორივემ კატეგორიული უარი თქვა და პატარამ, რომელიც 7 წლის არის, სრულიად შეგნებულად თქვა, მე სხვაზე უკეთესი რითი ვარ, რომ დაცვა დამყვებოდესო", - წერს ხიდაშელი ერთ-ერთ "ფეისბუქ-სტატუსში".
AMBEBI.GE
გამოყენებული რესურსები: Facebook.com, republicans.ge, gurianews.com
სიახლე!თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
