"სუს-ის თანამშრომელმა მობილური გამოსტაცა და გაიქცა" - ღარიბაშვილის პრესკონფერენციის პარალელურად სასტუმროს წინ მდგომარეობა იძაბება
სასტუმრო "ჰოლიდეინთან" მიმდინარე "თავისუფალი ზონის" აქციის მსვლელობისას დაპირისპირება მოხდა, რაც "თავისუფალი ზონის" წევრების დაკავებით დასრულდა. ამის შესახებ ორგანიზაციის ერთ-ერთი წევრი ფარნაოზ ჭკადუა იტყობინება, რომელიც სოციალურ ქსელში აქციის მიმდინარეობისას გადაღებულ ფოტომასალასაც ავრცელებს და ირწმუნება, რომ აქციის ერთ-ერთ წევრს სუს-ის თანამშრომელმა მობილური წაართვა.
"სუს-ის თანამშრომელმა რუსკა მჭედლიძეს მობილური გამოსტაცა და გაიქცა.
ჩვენ როდესად გავეკიდეთ ბანდიტ-მძარცველს, ამ დროს დააკავეს, ძმები, ლაშა რუხაია და გიორგი რუხაია", - წერს ჭკადუა.
შეგახსენებთ, რომ "ჰოლიდეინთან" "თავისუფალი ზონის" რამდენიმე აქტივისტი პრემიერის საწინააღმდეგო აქციას მართავს. აქციის მონაწილეები სასტუმროს მიმდებარე ტერიტორიაზე შემოფარგლული არიან პოლიციის კორდონით. მათ თან აქვთ პლაკატები, "ბიძინა წადი", "გადადექი მთავრობავ", სკანდირებენ "წადი, წადი".
აქციის მონაწილეებმა რამდენიმე წუთის წინ პოლიციის მიმართულებით გადააგდეს ლეიბი, შეძახილით "იხტუნავე შენს ბატუტზე".
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
