რა ქონებას ფლობს თეა წულუკიანი - სახლები საქართველოსა და საფრანგეთში და მინისტრის საყვარელი ავტომობილი

თანამდებობის პირთა ქონებრივი დეკლარაციების საიტზე იუსტიციის მინისტრის, თეა წულუკიანის ახალი ქონებრივი დეკლარაცია გამოქვეყნდა, რომელიც 2015 წლის 4 იანვარს არის შევსებული. მინისტრის დეკლარაციაში ცვლილებებია, როგორც ჩანს, ის მარტო გადავიდა საცხოვრებლად, რადგან ბოლოს შევსებულ დეკლარაციაში ოჯახის წევრები მითითებული აღარ ჰყავს.

ახალი დეკლარაციით ირკვევა, რომ თეა წულუკიანი ფლობს საკუთარ საცხოვრებელ სახლს საქართველოში და საფრანგეთში. მის საკუთრებაშია სოფელ დიღომში, მარიამ უგრელიძის პირველ ჩიხში არსებული სახლი, რომლის ფართიც 400 კვადრატულ მეტრს შეადგენს. იქვე აქვს 30 კვადრატული მეტრი ავტოფარეხი და 1900 კვადრატული მეტრი მიწის ფართობი. ასევე 120 კვადრატული მეტრი ბინა სტრასბურგში, დრაგონის ქუჩაზე, რომელშიც სტუდენტობის და საფრანგეთში მუშაობის დროს ცხოვრობდა. ამბობენ, რომ თეა წულუკიანი თავისუფალ დროს ყოველთვის ახერხებს სტრასბურგში გამგზავრებას და დასვენებას.

მინისტრს ჰყავს საკუთარი ავტომობილი, 2003 წელს გამოშვებული mini Cooper, ნომრით RER 099. როგორც მისი დეკლარაციიდან ირკვევა, "კრედი ლიონე"-ში აქვს 2 200 ევრო+კრედიტი. საქართველოს ბანკის სახელფასო ბარათზე კი 66 ლარი აქვს ნაშთის სახით.

მინისტრმა დეკლარაციაში მიუთითა, რომ სტრასბურგში ბინა 248 500 ევროდ აქვს შეძენილი, რომელიც ბანკში აღებული კრედიტით იყიდა. ამჟამინდელი მონაცემებით, კრედიტის ნაშთი 85 318 ევროს შეადგენს. იპოთეკური სესხით აქვს შეძენილი სოფელ დიღომში მდებარე სახლიც, რომლის რაოდენობაც 39 840 დოლარს შეადგენს.

საქართველოს ბანკში მინისტრს 12 000 ლარის სამომხმარებლო სესხიც აქვს აღებული. 2014-2015 წლებში თეა წულუკიანს სტრასბურგის ბინა გაქირავებული ჰქონდა, აქედან მიღებულმა შემოსავალმა 14 400 ევრო შეადგინა. წულუკიანის ბოლოს შევსებული დეკლარაციიდან ირკვევა, რომ მან 2014 წელს სამშენებლო სამუშაოებში 12 000 ლარი დახარჯა. თეა წულუკიანს 2014 წელს იუსტიციის მინისტრის პოსტზე მუშაობის სანაცვლოდ, ხელფასის სახით აღებული აქვს 87 500 ლარი.

თამარ ბოჭორიშვილი

AMBEBI.GE