5
ივლისიდღის ზოგადი ასტროლოგიური პროგნოზი
საქართველოს პრემიერ-მინისტრმა საგარეო საქმეთა მინისტრად თამარ ბერუჩაშვილი დანიშნა. აღნიშნულის შესახებ ირაკლი ღარიბაშვილმა მთავრობის კანცელარიაში გამართულ პრესკონფერენციაზე განაცხადა.
როგორც თამარ ბერუჩაშვილის შრომით გამოცდილებაშია მითითებული, მისი პროფესიული წარმატებები 90-იანი წლებიდან იწყება, როდესაც ის 1990-1992 წლებში საქართველოს მეცნიერებისა და ტექნოლოგიების სამინისტროს საერთაშორისო თანამშრომლობის დეპარტამენტის მთავარი სპეციალისტი გახდა.
აღსანიშნავია, რომ თამარ ბერუჩაშვილი არა მხოლოდ ღარიბაშვილის, არამედ შევარდნაძის და შემდეგ სააკაშვილის მთავრობის წევრიც იყო. იგი 1998 წელს საქართველოს ვაჭრობისა და საგარეო ეკონომიკური ურთიერთობების სამინისტროში მინისტრის მოადგილის პოსტს იკავებდა. მოგვიანებით, 2000-2003 წლებში ის საგარეო საქმეთა სამინისტროში მინისტრის მოადგილის პოზიციაზე ინაცვლებს.
ვარდების რევოლუციის შემდეგ თამარ ბერუჩაშვილი რამდენიმე თვის განმავლობაში საქართველოს სახელმწიფო კანცელარიაში სახელმწიფო მინისტრის მოადგილე იყო.
2004-2010 წლებში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატში საქმიანობდა, სადაც სახელმწიფო მინისტრის პირველი მოადგილე იყო ევროპულ და ევროატლანტიკურ სტრუქტურებში ინტეგრაციის საკითხებში.
თამარ ბერუჩაშვილი მოქმედი ხელისუფლების გუნდის წევრი 2013 წლის პირველი აპრილიდან გახდა, როდესაც მან საქართველოს საგარეო საქმეთა მინისტრის მოადგილის პოსტი დაიკავა.
