16
მარტიდღის ზოგადი ასტროლოგიური პროგნოზი
რაც გააკეთა ალასანიამ, ჩემთვის პირადად 2012 წლის 1-ელი ოქტომბრის გამარჯვების ღალატია, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის წევრებთან დღევანდელ შეხვედრაზე განაცხადა.
მისი შეფასებით, ეს არის ქართველი ხალხის მოტყუების მორიგი მცდელობა, რაც ქვეყნის ინტერესს აზიანებს.
"მას ეს არაერთხელ გაუკეთებია. ამას ძალიან კარგად დაინახავს მოსახლეობა - ბევრ სიურპრიზს ნახავს. ეს არის, რა თქმა უნდა, ჩვენი ქვეყნის საწინააღმდეგოდ გადადგმული ნაბიჯები და მათი განცხადებები არის აბსოლუტურად უპასუხისმგებლო და არაადეკვატური, აბსურდული, "ნაციონალური მოძრაობის" სტილის სიცრუე, რაც არის დამაზიანებელი ჩვენი ქვეყნისთვის.
ბოლო 2 დღის განმავლობაში მე მომიწია ასეთ აბსურდულ განცხადებებზე საჯარო განმარტების გაკეთება იმისთვის, რომ საბოლოოდ გაგვექარწყლებინა შესაძლო კითხვები და ეჭვები, რაც მათ აბსურდულ განცხადებებს უკავშირდებოდა. თუნდაც ის, რომ მაია ფანჯიკიძეს ჰქონდა დემონსტრაციულად მოადგლეების გაყოლების მცდელობა, დასტურებს მათ უპასუხისმგებლობას და უაპტივცემულობას ჩვენი გუნდის წინაშე. ეს ადამიანები სამი წლის განამვლობაში იყვნენ ჩვენთან ერთად ყოველდღე და როგორ შეიძლება ეს ყველაფერი ერთი ხელის მოსმით დაივიწყონ და უარი უთხრან იმ გამარჯვებას, რომელსაც მივაღწიეთ ბატონ ბიძინა ივანიშვილთან ერთად. ძალიან სამწუხაროა ჩემთვის", - განაცხადა ღარიბაშვილმა.
