თამარ ჩერგოლეიშვილი მთავრობას მიმართავს, დაკავებულები გაათავისუფლონ
ტელეკომპანია "ტაბულას" მთავარი რედაქტორი, თამარ ჩერგოლეიშვილი ტელეკომპანიის სახელით, შინაგან საქმეთა სამინისტროს და პროკურატურას მოუწოდებს, გამოიძიონ პრემიერ-მინისტრ, ირაკლი ღარიბაშვილის სახლთან მომხდარი ინციდენტი.
როგორც თამარ ჩერგოლეიშვილმა ჟურნალისტებს შინაგან საქმეთა სამინისტროსთან განუცხადა, "ტაბულა" გმობს პრემიერის სახლთან მიმდინარე მშვიდობიანი საპროტესტო აქიის მონაწილეების დაკავებას. მისი თქმით, დაკავებულებს შორისაა მათი ფოტორეპორტიორი, ალექსანდრე გიორგაძე.
"დაკავებისას პოლიციელებმა იცოდნენ, რომ ის იყო "ტაბულას" ფოტორეპორტიორი და ასრულებდა პროფესიულ მოვალეობას. მოვუწოდებთ შინაგან საქმეთა სამინისტროს და პროკურატურას, გამოიძიონ ეს დანაშაული იმიტომ, რომ ჟურნალისტური საქმიანობისთვის ხელის შეშლა არის სისხლის სამართლის კოდექსის 154-ე მუხლით გათვალისწინებული დანაშაული", - აღნიშნა ჩერგოლეიშვილმა.
მანვე საქართველოს ხელისუფლებას მოუწოდა, დროულად გაათავისფლონ დაკავებულები, მათ შორის ფოტორეპორტიორი. (ფოტოგალერეა: აქცია ირაკლი ღარიბაშვილის სახლთან)
"ტაბულა" მოუწოდებს პოლიციას, დაკავდეს თავისი საქმიანობით, გახშირებული მკვლელობებისა და დანაშაულების აღკვეთით და თავი დაანებოს პოლიტიკური ოპოზიციის, მედიისა და სამოქალაქო სექტორის დევნას. პრემიერის და ოლიგარქის მყუდროება არ არის გადასახადის გადამხდელის უპირველესი სატკივარი", - განაცხადა ჩერგოლეიშვილმა.
დაგაინტერესებთ|
-პრემიერის სახლთან მიმდინარე საპროტესტო აქციაზე ფიზიკური დაპირისპირება მოხდა - ინციდენტის დეტალები
-ადვოკატები პრემიერის სახლთან დაკავებულებთა შესახვედრად შსს-ს შენობაში შეუშვეს
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
