"stop russia - save europe"- უკრაინის მხარდამჭერი აქცია რუსთაველზე

მონაწილეებმა უკრაინის მიმართ რუსეთის ღია აგრესია გააპროტესტეს და საერთაშორისო თანამეგობრობას უკრაინის დასახმარებლად მეტი აქტიურობისკენ მოუწოდეს.

როგორც უკრაინის მხარდამჭერებმა განაცხადეს, უკრაინაში დღეს რუსეთი იგივე პოლიტიკას ახორციელებს, რასაც 2008 წლის აგვისტოში საქართველოში ახორციელებდა, ისევ აგრძელებს დამოუკიდებელი და სუვერენული ქვეყნის ტერიტორიების ოკუპაციას. აქციის მონაწილეების აზრით, არ შეიძლება მსოფლიო მშვიდად უყურებდეს იმ მოვლენებს, რაც აღმოსავლეთ უკრაინაში ხდება, რადგან რუსულ ღია აგრესიას ათასობით ადამიანის სიცოცხლე ეწირება.

რუსთაველზე შეკრებილებმა საქართველოს ხელისუფლებასაც მიმართეს და ქვეყნის მთავრობას მოუწოდეს, უკრაინას მეტი მხარდაჭერა გამოუცხადოს და მეგობარ ქვეყანას ამ მძიმე წუთებში ქმედითი დახმარება აღმოუჩინოს. აქციის მონაწილეებს თან ჰქონდათ საქართველოსა და უკრაინის დროშები.

აქციის დასასრულს მათ ორივე ქვეყნის ჰიმნი შეასრულეს, პუტინის სურათები კი დაწვეს. ისინი ასევე სკანდირებდნენ "პუტინ ხუილო", ხოლო უკრაინის მიმართ მხარდაჭერას ტრანსფარანტებითაც გამოხატავდნენ, რომლებზეც იყო წარწერები: "stop russia - save europe", "stop moscow".

ნახეთ ვიდეო

უკრაინაში განვითარებული მოვლენების ქრონიკა:

უახლესი | უკრაინული მედია სამხედრო ტყვეთა შორის ქართველი სამხედროების ყოფნას ადასტურებს

• პუტინი: რაც უკრაინაში ხდება, ეს ჩვენი საერთო, უზარმაზარი ტრაგედიაა

• უკრაინულმა ძალებმა რუსული ტანკების იერიში მოიგერიეს და 12 ტყვე აიყვანეს

• "დღეში საშუალოდ 36 ადამიანს კლავენ" - უკრაინის აღმოსავლეთში 2 593 ადამიანი დაიღუპა

• ორმა უკრაინელმა ოფიცერმა თავი აიფეთქა, რასაც 12 რუსი მედესანტეც ემსხვერპლა

• "ძალიან დიდი საფრთხე და საშიშროებაა" - საქართველოს საელჩო უკრაინაში მყოფ საქართველოს მოქალაქეებს აფრთხილებს

• დავით სერგეენკო ალყაში მყოფ ქართველი მებრძოლების შესახებ გავრცელებულ ინფორმაციას გამოეხმაურა