გიორგი მარგველაშვილმა კახა თარგამაძეს საქართველოს მოქალაქეობაზე უარი უთხრა

შსს-ს ყოფილ მინისტრს, კახა თარგამაძეს საქართველოს მოქალაქეობაზე უარი ეთქვა. ამის შესახებ ინფორმაცია საქართველოს პრეზიდენტის ოფიციალურ ვებ-გვერდზეა გამოქვეყნებული.

"დიდი ინტერესიდან გამომდინარე, საქართველოს პრეზიდენტის ადმინისტრაცია საჭიროდ მიიჩნევს საზოგადოებას აცნობოს, რომ კახა თარგამაძეს უარი ეთქვა საგამონაკლისო წესით მოქალაქეობის მინიჭებაზე. შესაბამის განკარგულებას საქართველოს პრეზიდენტმა დღეს მოაწერა ხელი", _ აღნიშნულია პრეზიდენტის ოფიციალურ ვებ-გვერდზე.