3
ივლისიდღის ზოგადი ასტროლოგიური პროგნოზი
ასოცირების ხელშეკრულების ხელმოწერის დღესთან დაკავშირებით თბილისში საზეიმო კონცერტი გაიმართება. გრანდიოზული კონცერტი 20:30 საათზე ევროპის მოედანზე ჩატარდება და მასში მონაწილეობას მიიღებენ უცხოეთში მოღვაწე ქართველი ვარსკვლავები და ქართული ესტრადის მომღერლები.
კონცერტს შეუერთდება ბრიუსელიდან დაბრუნებული სამთავრობო დელეგაცია. მოსახლეობას სიტყვით მიმართავენ საქართველოს პრეზიდენტი გიორგი მარგველაშვილი და პრემიერ-მინისტრი ირაკლი ღარიბაშვილი.
ევროკავშირთან ასოცირების ხელშეკრულების ხელმოწერასთან დაკავშირებით, პრემიერ-მინისტრის თანაშემწის სავალან მირზოევის, საქართველოს ახალგაზრდა აზერბაიჯანელთა განვითარების აკადემიისა და მარნეულის ახალგაზრდული ცენტრის ინიციატივით, დღეს საზეიმო ღონისძიება მარნეულშიც გაიმართება.
ღონისძიებაში მონაწილეობას მიიღებენ ქვემო ქართლის რეგიონის სტუდენტები, თემის ლიდერები, არასამთავრობო ორგანიზაციებისა და ადგილობრივი თვითმმართველობის ორგანოების წარმომადგენლები.
პროგრამაში გათვალისწინებულია ასოცირების ხელშეკრულების შესახებ საინფორმაციო ლექციის ჩატარება, ასევე სპეციალური ვიდეო-რგოლების ჩვენება. პროგრამის მეორე ნაწილში სტუმრები სიტყვით გამოვლენ და საზეიმო კონცერტი ჩატარდება.
22:30 საათზე მოხდება ევროკავშირთან ასოცირების ხელშეკრულების ხელმოწერის პროცესის ჩვენება და ამ ისტორიული მოვლენის ფეირვერკებით აღნიშვნა. საზეიმო კონცერტი 00:00 საათამდე გაგრძელდება.
