ბრძოლა ქვებით, ცრემლსადენი გაზითა და "მოლოტოვის კოქტეილებით" - უკიდურესად დაძაბული ვითარება კიევში (+LIVE)

ბოლო ინფორმაცია:

კიევში შეტაკებებისას სამ ადამიანს თვალი ამოუღეს, 12-მა კი თვალის დაზიანება მიიღო (იხილეთ სრულად)

კიევში, გრუშევსკის ქუჩაზე მისული აქტივისტების წინააღმდეგ ძალოვნებმა გაზი გაუშვეს. ინფორმაციას უკრაინული მედია ავრცელებს. Unian-ის ცნობით, ამ დროისთვის გრუშევსკის ქუჩაზე სამი ათასამდე დემონსტრანტი იმყოფება, რომლებიც სპეცრაზმელებს ქვებსა და "მოლოტოვის კოქტეილებს" უშენენ. ამასთან, გრუშევსკის ქუჩაზე იმყოფებიან ეკლესიის წარმომადგენლებიც.

კიევში, გუშინ სამართალდამცავებსა და დემონსტრანტებს დაპირისპირება 15 საათზე მეტხანს გაგრძელდა, რომლის შედეგად ასზე მეტი ადამიანია დაშავებული. დაპირისპირება მას შემდეგ დაიწო, რაც მომიტინგეები უმაღლესი რადასა და მთავრობის სახლის მიმართულებით მილიციის კარდონის გარღვევას შეეცადნენ.

სიტუაცია კიევში მას შემდეგ დაიძაბა, რაც უმაღლესმა რადამ 16 იანვარს მიიღო კანონები, რომელიც აქციების გამართვას წესებს ამკაცრებს.