22
ივნისიდღის ზოგადი ასტროლოგიური პროგნოზი
ევროკომისია მიიჩნევს, რომ კატალონიის დამოუკიდებლობის შესახებ რეფერენდუმი ესპანეთის კანონმდებლობის შესაბამისად, კანონიერი არ იყო. ამის შესახებ ევროკომისიის ოფიციალურმა წარმომადგენელმა მარგარიტის სხინასმა განაცხადა.
"ეს ესპანეთის შიდა საქმეა, რომელიც ესპანეთის საკონსტიტუციო წესრიგის ფარგლებში უნდა გადაიჭრას", - აღნიშნა მან.
მარგარიტის სხინასის განმარტებით, რეფერენდუმი ესპანეთის კონსტიტუციის შესაბამისად რომ ჩატარებულიყო, მაშინ კატალონია ევროკავშირის გარეთ აღმოჩნდებოდა.
რაც შეეხება პოლიციის ქმედებებს, ევროკომისიის ოფიციალური წარმომადგენლის განცხადებით, "ძალადობა არ შეიძლება პოლიტიკის ინსტრუმენტი იყოს".
"ჩვენ გვჯერა, რომ პრემიერ-მინისტრი მარიანო რახოი შესძლებს ეს რთული პროცესი ესპანეთის კონსტიტუციისა და მასში გაწერილი მოქალაქეთა ფუნდამენტალური უფლებებების შესაბამისად წარმართოს", - დასძინა მან.
კატალონიაში რეფერენდუმი გუშინ ჩატარდა. ოფიციალური მადრიდი ამტკიცებს, რომ რეფერენდუმი კონსტიტუციას ეწინააღმდეგება. მთელი დღის განმავლობაში პოლიცია საარჩევნო უბნებს ხურავდა და ყუთების და ბიულეტენების კონფისკაციას ახდენდა. კატალონიის სხვადასხვა ნაწილებში საპროტესტო აქციები გაიმართა, პოლიციამ ხელკეტები და რეზინის ტყვიები გამოიყენა.
