უკრაინის საემიგრაციო სამსახური სააკაშვილისთვის მოქალაქეობის ჩამორთმევის შესახებ ინფორმაციას ადასტურებს

უკრაინის საემიგრაციო სამსახურში ТСН-ს დაუდასტურეს ინფორმაცია, რომ საქართველოს ექსპრეზიდენტს, მიხეილ სააკაშვილს უკრაინის მოქალაქეობა ჩამოერთვა.

უწყებაში განაცხადეს, რომ გადაწყვეტილება მიღებულია "მოქალაქეობის" შესახებ კანონის მე-19 მუხლის მე-2 პუნქტის შესაბამისად. მასში აღნიშნულია, რომ სააკაშვილმა ანკეტაში მცდარი მონაცემები მიუთითა.

იქვე აღნიშნეს, რომ საბუთებში, რომელიც მიხეილ სააკაშვილმა მოქალაქეობის მისაღებად შეავსო, მითითებული იყო, რომ არ იმყოფებოდა ძიებაში უკრაინაში ან მის საზღვრებს გარეთ, საქართველოს ტერიტორიაზე კი დაუსწრებლად ჰქონდა პატიმრობა შეფარდებული.

სააკაშვილის მოქალაქეობასთან დაკაშირებით უწყებას რადიკალური პარტიის დეპუტატმა ანდრეი ლაზავოიმ მიმართა. გამოცემის მიხედვით, ჯერ კიდევ 2017 წლის მაისში მიხეილ სააკაშვილმა განაცხადა, რომ პეტრო პოროშენკო აპირებდა მისთვის უკრაინის მოქალაქეობის ჩამორთმევას.

მიხეილ სააკაშვილმა უკრაინის მოქალაქეობა 2015 წლის მაისში მიიღო, როდესაც ოდესის ოლქის ხელმძღვანელად დაინიშნა.