სულ მცირე 12 ადამიანი დაიღუპა და 33 დაშავდა ერაყის დედაქალაქ ბაღდადში მომხდარი სერიული აფეთქებების შედეგად. ამის შესახებ "როიტერი" ქვეყნის პოლიციასა და სამედიცინო სამსახურებზე დაყრდნობით იუწყება.
სააგენტოს მონაცემებით, ბაღდადის შემოგარენში არანაკლებ ხუთი აფეთქების ხმა გაისმა, მათ შორის როგორც სუნიტურ, ისე შიიტურ დასახლებებში.
ამ დროისთვის არც ერთ ტერორისტულ დაჯგუფებას მომხდარ აფეთქებებზე პასუხისმგებლობა არ აუღია. ასევე ვრცელდება ინფორმაცია ქვეყნის სხვადასხვა ქალაქებში მომხდარი აფეთქებების შესახებ, რომლებსაც ადამიანები ემსხვერპლნენ.