დაღესტანში პარლამენტის თავმჯდომარის შვილი დააკავეს

დაღესტნის პარლამენტის სპიკერის, ხიზრი შიხსაიდოვის ვაჟი დანიალ შიხსაიდოვი დააკავეს. რუსული მედიის ცნობით, მას თაღლითობაში ედება ბრალი.

დაკავების შემდეგ ქალაქ მახაჭყალაში პარლამენტის თავმჯდომარის სახლში ჩხრეკაც ჩატარდა. დანიალ შიხსაიდოვი 2011 წლიდან ბუინაკსკის რაიონის ხელმძღვანელია. მამა ხიზრი შიხსაიდოვი კი 1997-2004 წლებში დაღესტნის მთავრობის ხელმძღვანელი იყო, 2013 წლიდან კი პარლამენტს უდგას სათავეში.

"ინტერპრესნიუსი"