თბილისის ტრაგედია შესაძლოა ერევანშიც განმეორდეს

თუ ერევანში კოკისპირული წვიმები არ გადაიღებს, დიდი შანსია, რომ ქალაქი დაიტბოროს. ამის შესახებ ჟურნალისტებთან საუბარში ეკოლოგმა კარინა დანიელიანმა განაცხადა. "ერევანში შესაძლოა, თბილისის ტრაგედია განმეორდეს, რადგანაც აქაც სამშენებლო სამუშაოები სტანდარტების დაცვის გარეშეა ჩატარებული", - განაცხადა ეკოლოგმა. მისი თქმით, წვიმის წყლები ორ არხში ნაწილდებოდა, რაზდანის მდინარესა და მის შენაერთ ჰექტარში. სომხეთის დამოუკიდებლობის შემდეგ, 25 წლის განმავლობაში პერმანენტულად იღებდნენ არასწორ ინჟინერულ გადაწყვეტილებებს, რის გამოც, ამ არხების ადგილას ამჟამად კაფეები და რესტორნებია აშენებული.

სიტუაციას ამძიმებს ის ფაქტიც, რომ ჩამდინარე წყლების სისტემა სომხეთის დედაქალაქში საშინელ მდგომარეობაშია. ზოგ ადგილებში ის საერთოდ არ ფუნქციონირებს. "პრობლემების თავიდან ასაცილებლად აუცილებელია პოლიტიკური ნების გამოჩენა, აგრეთვე სამუშაოების ჩატარება ეკოლოგიური კულტურის კუთხით და კლიმატურ ცვლილებებთან მიმართებაში", - ამბობს ექსპერტი.

ჰიდროლოგმა როლანდ მანუკიანმა აღნიშნა, რომ პატარა მდინარე ავან არინჯის რაიონში, რომელიც აქამდე გამდინარე არხის ფუნქციას ითავსებდა, აგრეთვე მშენებლობებით არის გადაფარული. "აქ მთელი უბანი გააშენეს, თითქმის მთელი მდინარე დახურულია", - განაცხადა მანუკიანმა და დასძინა, რომ ამ საკითხზე არაერთხელ მიუმართავს სხვადასხვა ინსტანციებისთვის, თუმცა, არანაირი რეაქცია მის გაფრთხილებებს არ მოჰყოლია.

მომზადებულია dlmn.info-ს მიხედვით.