მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველაზე ძვირადღირებული სასტუმროს ნომერი 50 000 ევრო ღირს
07:12 / 25-05-2013
ჟენევაში 5 ვარსკვლავიანი სასტუმროს President Wilson-ის სამეფო ნომერ Royal Penthouse Suite-ში 1 ღამის გატარება 50 000 ევროზე მეტი ღირს. ეს მსოფლიოში ყველაზე ძვირადღირებული სასტუმროს ნომერია.
მისი ფანჯრებიდან ქალაქის შესანიშნავი ხედი, ალპები და მწვერვალი მონბლანი ჩანს. აღსანიშნავია, რომ ამავე თანხად ალპებში 2 საძინებლიანი აპარტამენტების შეძენაა შესაძლებელი, მაგრამ ფუფუნების მოყვარულებს ეს არ აფერხებთ. რიგების გამო პენტჰაუსის დაჯავშნა დიდი ხნით ადრე უწევთ.
მსოფლიოს ყველაზე ძვირადღირებულ ნომერში ხშირად ჩერდებიან ვარსკვლავები, პოლიტიკოსები და სახელმწიფოების მეთაურები. პენტჰაუსი უკვე მასპინძლობდა დიდი ბრიტანეთის ყოფილ პრემიერ-მინისტრ ტონი ბლერს, აშშ-ის ყოფილ პრეზიდენტ ბილ კლინტონს, Microsoft-ის დამფუძნებელ ბილ გეითსს და მომღერალ რიანას.
Royal Penthouse Suite 510 კვ/მ-ს იკავებს. ის მოიცავს 12 ოთახს, 12 სააბაზანოს და დიდ ტერასას, რომელიც ტბას გადაჰყურებს. ამ ნომერში არის ბილიარდის მაგიდა, ბარი, ბიბლიოთეკა, ფიტნეს-ცენტრი და სასადილო ოთახი 16 კაცისთვის.
ინტერიერი ისეთივეა, როგორიც ლუქსს შეეფერება, ხოლო სატელეფონო კავშირი სააბაზანოებშიც კი ხელმისაწვდომია. მისაღებ და სამ საძინებელ ოთახში სახლის კინოთეატრია დამონტაჟებული.
პენტჰაუსში განთავსებულია ექსკლუზიური ავეჯი, ხოლო ოთახები ხელოვნების იშვიათი და ძვირადღირებული ნიმუშებითაა გაფორმებული.
გარდა ამისა, Royal Penthouse Suite მსოფლიოში ყველაზე უსაფრთხო სასტუმროს ნომრადაა აღიარებული. მასში მოხვედრა, მხოლოდ კერძო ლიფტითაა შესაძლებელი, დამონტაჟებულია რკინის კარები. ფანჯრებში ნახევრად ტყვიაგაუმტარი შუშაა ჩასმული და ყველა ოთახშია "საგანგაშო" ღილაკი. საფრთხის შემთხვევაში, სტუმარს შეუძლია ჩაიკეტოს სპეციალურ ოთახში და დახმარებას დაელოდოს.
მომზადებულია segodnya.ua-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
