მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ უნდა ამოიცნოთ ყალბი ამბები - 10 აუცილებელი წესი ფეისბუქმომხმარებლისთვის
05:43 / 28-04-2017
სოციალურ ქსელ "ფეისბუქზე" ყალბი ამბები ხშირად ვირუსივითაა მოდებული და მათი ამოცნობა ვერ ხერხდება.
ამის გამო, "ფეისბუქმა" ახალი კამპანია წამოიწყო ყალბი ამბების გამოსავლენად. შესაბამისი ღილაკი ახალი ამბების ველში გამოჩნდება. მომხმარებლების "კედლებზე" ჩანს ბმული "როგორ ამოვიცნოთ ყალბი ნიუსი". ბმულზე დაჭერის შემთხვევაში, ფეისბუქ-მომხმარებელი ხვდება "ფეისბუქის" ვირტუალური დახმარების ცენტრში, სადაც 10 პატარა რჩევაა ცრუ ინფორმაციის გამოსავლენად. გთავაზობთ ამ რჩევებს:
- სკეპტიკურად მიუდექით სათაურებს. ყალბი ამბები ძირითადად გამომწვევადაა დასათაურებული. თუ შოკისმომგვრელი ცნობა დაუჯერებლად ჟღერს, დიდი ალბათობით ეს სიცრუეა.
- დააკვირდით URL-ს ანუ წყაროს ლინკს. საიტები, რომლებიც ცრუ ინფორმაციას ავრცელებენ, ხშირად მიმართავენ ასეთ გზას: აკოპირებენ ნამდვილი ნიუსის წყაროს და მცირეოდენი ცვლილება შეაქვთ URL-ში. ეს მარტივად შეგიძლიათ შეამოწმოთ საიტზე შესვლითა და წყაროს ლინკის შედარებით ნამდვილ ლინკთან.
- დააკვირდით ინფორმაციის წყაროს. დარწმუნდით, რომ ინფორმაცია იმ წყაროზე დაყრდნობითაა დაწერილი, რომელსაც სანდო რეპუტაცია აქვს. თუ უცნობი ორგანიზაციის დაწერილია სიახლე, მოიძიეთ მის შესახებ ცნობები.
- მიაქციეთ ყურადღება უჩვეულო ფორმატს. ძირითადად, ყალბ ახალ ამბებში მართლწერა არეულია ან ასოთა უცნაური წყობაა.
- ყურადღება მიაქციეთ ფოტოებს. ხშირად ყალბ ამბებს მანიპულაციური ფოტო ან ვიდეოკადრები ახლავს თან. შესაძლოა ფოტო ნამდვილი იყოს, მაგრამ კონტექსტიდან ამოგლეჯილი. მოძებნეთ ფოტოს წარმომავლობა.
- დააკვირდით თარიღებს. ყალბ ამბებში თარიღები ერთმანეთს არ ემთხვევა.
- შეამოწმეთ მტკიცებულება. გადაამოწმეთ ავტორის მოყვანილი წყაროები.
- გადახედეთ სხვა საიტებსაც. თუ კონკრეტულ ინფორმაციას მხოლოდ ერთი წყარო ავრცელებს, მაშინ ის დიდი ალბათობით ყალბია.
- იქნებ ამბავი ხუმრობაა? ზოგჯერ სიახლეები რთულია გაარჩიო იუმორის და სატირისგან. დარწმუნდით, რომ გამომქვეყნებელი პაროდიულ სტატიებს არ წერს.
- ზოგიერთი ამბავი მიზანმიმართულად ყალბია. კრიტიკულად მიუდექით იმ ამბებს, რომელსაც ეცნობით და მხოლოდ მაშინ გააზიარეთ, როდესაც დარწმუნდებით, რომ ნამდვილი ამბავია.
ასევე წაიკითხეთ: ფოტომონტაჟი, რომელმაც ქართველი ფეისბუქმომხმარებლები მოატყუა
მომზადებულია itv.com-ს მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
