მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
წყალი, მარილი, კოფეინი - ის, რისი ზედმეტი დოზაც მოგკლავთ
09:10 / 01-09-2015
ყოველდღიურად ჩვენ უამრავ აქტივობას ვახორციელებთ, რომელთა ზედმეტმა დოზამ შესაძლოა, ჩვენი სიკვდილი გამოიწვიოს. განვიხილოთ რამდენიმე მათგანი:
1. ადამიანისთვის ალკოჰოლის სასიკვდილო დოზა 1,5 ლიტრი არაყია. ალკოჰოლის ერთი პრომილე ნიშნავს, რომ ერთ ლიტრ სასმელზე 1 მილიგრამი სუფთა ალკოჰოლი მოდის. 0,5 ლიტრი არაყი შეიცავს 200 მილიგრამ სუფთა ალკოჰოლს. ალკოჰოლის სასიკვდილო დოზად 5-6 პრომილე ანუ, 400-450 მილიგრამი სუფთა ალკოჰოლი ითვლება.
2. პოლივიტამინები - სასიკვდილო დოზად, ერთ დღე-ღამეში მიღებული 5 000 ცალი აბი ითვლება. როგორც ვიცით, არსებობს ასეთი ცნება - ჰიპერვიტამინოზი. მაგალითად, თუკი მივიღებთ A ვიტამინის ზედმეტ დოზას, შემდეგი სიმპტომები იჩენს თავს: თავბრუსხვევა, გულისრევა, თავის ტკივილი, პულსის აჩქარება, კრუნჩხვა, ასევე, გონების დაკარგვა. თუკი В 1-ს ზედმეტ დოზას მივიღებთ, იწვევს თირკმელებისა და ღვიძლის დისფუნქციას. В 12 - სისხლის შედედებას და პულსის გახშირებას. D 2 - გულისრევას, სისუსტეს, ციებ-ცხელებას, სიმშრალეს, წნევის აწევას, პულსის შენელებას და სუნთქვის გართულებას.
3. მზე - სასიკვდილო დოზად მზეზე 8 საათის განმავლობაში ყოფნა მიიჩნევა. თუკი რომელიმე ადამიანი ეგვიპტის მზის ქვეშ, თავდაცვის საშუალებების გარეშე 8 საათს გაატარებს, ეს დღე მისთვის შესაძლოა, უკანასკნელი აღმოჩნდეს. მზის დარტყმის დროს, ადამიანს საერთო სისუსტე, თავის ტკივილი, თავბრუსხვევა, მაღალი სიცხე, გონების დაკარგვა აღენიშნება.
4. ნიკოტინი - ადამიანის მოკვლა ერთ ჯერზე მოწეულ 94 სიგარეტის ღერს შეუძლია.
5. მარილი - ერთ ჯერზე მიღებული 250 გრამი მარილი ადამიანისთვის სასიკვდილო დოზას შეადგენს. მარილის დიდი დოზის გამო, სწრაფად იმატებს წნევა, რასაც თან ახლავს ჩაქცევები, რაც, დიდი ალბათობით, ტვინში სისხლის ჩაქცევას გამოიწვევს.
6. კოფეინი - 150 ესპრესო ერთ ჯერზე და თქვენ მკვდარი ხართ. ადამიანისთვის კოფეინის სასიკვდილო დოზა მისი სხეულის წონაზეა დამოკიდებული. ზოგადად, იგი 150-200 მილიგრამამდე მერყეობს.
7. წყალი - სასიკვდილო დოზად, დღეში 8-10 ლიტრი ითვლება. დაახლოებით, 1 ლიტრ სითხეს ადამიანი საკვებთან ერთად იღებს. დღიური ნორმა დღეში 1,5-2 ლიტრს შეადგენს. თუკი დღიურ ნორმას 3-4-ჯერ გადააჭარბებთ, წყლით ინტოქსიკაციას მიიღებთ, რადგან თირკმელები ვერ მოასწრებენ ორგანიზმიდან ამხელა რაოდენობის წყლის განდევნას, რაც ფილტვებსა და თავის ტვინში სისხლის ჩაქცევას გამოიწვევს.
8. კოღოები - სიკვდილს კოღოს 500 000 ნაკბენი იწვევს. მდედრ კოღოს ადამიანის ორგანიზმიდან 5 მილიგრამი სისხლის ამოწოვა შუძლია. ადამიანს საკუთარი ჯანმრთელობისთვის ზიანის მიყენების გარეშე, 15% სისხლის დაკარგვა შეუძლია, ხოლო თუ იგი ერთ ჯერზე 2-2,5 ლიტრს დაკარგავს, ეს მის სიკვდილს გამოიწვევს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
