"არ მჭირდება ნადირაშვილი ინფორმაციის გასავრცელებლად" - მაკა ცინცაძე ივანიშვილთან თანამშრომლობას უარყოფს

მაკა ცინცაძე და შადიმან შამანაძე ირმა ნადირაშვილის გავრცელებულ ინფორმაციას ბიძინა ივანიშვილის გადაცემის თანაწამყვანობის შესახებ უარყოფენ. როგორც Ambebi.ge-ს მაკა ცინცაძემ განუცხადა, მსგავსი შეთავაზება არც ყოფილა.

"მსგავსი შეთავაზება არ ყოფილა. ასეთი რამ რომ მომხდარიყო, აუცილებლად მე თვითონვე ვეტყოდი ჟურნალისტებს, რადგან ძალიან კარგად ვიცი, რა აინტერესებს მედიას და რა არა. ირმა ნადირაშვილი ნამდვილად არ მჭირდება ინფორმაციის გასავრცელებლად", - აღნიშნა ცინცაძემ.

მისივე თქმით, დათანხმდებოდა თუ არა შეთავაზების შემთხვევაში, ამაზე არ უფიქრია.

შადიმან შამანაძეც აცხადებს, რომ შეთავაზება არ ყოფილა.

"არანაირი შეთავაზება არ ყოფილა. წარმოდგენაც კი არ მაქვს, რაზე საუბრობთ", - აღნიშნა შამანაძემ.

"ნაციონალური მოძრაობის" ერთ-ერთი ლიდერი ირმა ნადირაშვილი სოციალურ ქსელში ყოფილი პრემიერ-მინისტრის, ბიძინა ივანიშვილის თანაწამყვანების ვინაობას ამხელს.

"ბიძინა ივანიშვილის თანაწამყვანები იქნებიან შადიმან შამანაური, გიორგი უძილაური და მაკა ცინცაძე. გადაცემის რედაქტორია ვასილ მაღლაფერიძე. გისმენთ და ყველაფერი ვიცით)))", - წერს ნადირაშვილი.

ტელეპროექტი "2030" "ჯიდიესზე" გავა, რომელსაც კვირაში ერთხელ, კვირაობით სამ წამყვანთა ერთად წავიყვან, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა "საზოგადოებრივი მაუწყებლის" პირდაპირ ეთერში განაცხადა.

ლექსო ნაბახტეველი

Ambebi.ge