მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გაიცანით ბიჭი, რომელმაც ბოლო დროის ყველაზე პოპულარული საუნდტრეკი შექმნა
04:33 / 17-08-2016
ქართული ტელესერიალი "ხელოვნური სუნთქვა" სულ რამდენიმე თვეა გამოჩნდა ტელეეკრანებზე და ქართველი მაყურებლის გული მალევე მოიგო. სცენარი, მსახიობები, მუსიკალური გაფორმება - სერიალის ყველა კომპონენტი მაყურებელში დიდ მოწონებას იმსახურებს. განსაკუთრებით წარმატებული კი აღმოჩნდა სერიალის საუნდტრეკი, რომელსაც ალბათ, თქვენც ერთხელ მაინც აყოლილხართ მოსმენისას.
სერიალის მთავარი მუსიკალური თემა - სიმღერა Imegination, მუსიკოსმა ნიკ მღვიმელმა შექმნა. ყველაზე პოპულარული ქართული საუნდტრეკის ავტორი საკუთარი თავის შესახებ AMBEBI.GE-ს მკითხველს უამბობს.
- ვარ ხმის რეჟისორი და არადიპლომირებული მუსიკოსი. ვმუშაობ "ფორმულა კრეატივში", თავდაპირველად "ჩემი ცოლის დაქალებისთვის" ვწერდი მუსიკას. Imegination 2013 წელს დავწერე და "ცუდ თესლთან" ერთად ვმღეროდი, შემდეგ როცა "ხელოვნურ სუნთქვაზე" დავიწყეთ მუშაობა, გაჩნდა იდეა, რომ სიმღერა Imegination ახლებურად გაგვეკეთებინა. ცოტა დაუვარცხნელი იყო ამ სიმღერის ძველი ვერსია, ანდერგრაუნდის სტილში გაკეთებული. არტისტი, რომელიც ანდერგრაუნდში მუშაობს, ხელოვნებას ანიჭებს უპირატესობას და არა კომერციულობას. სატელევიზიო შოუ კი კომერციულ მიზნებზე არის გათვლილი, ამიტომაც გახდა აუცილებელი სიმღერა გამხდარიყო ისეთი, რომელიც ყველა ასაკის და გემოვნების ადამიანისთვის იქნებოდა მისაღები. მხოლოდ საკუთარი პრინციპების დაცვით შექმნილ მუსიკას ხალხი ვერ მიიღებს.
- რა იყო ინსპირაციის წყარო სიმღერაზე მუშაობისას?
- ინსპირაციაზე ლაპარაკი რთულია, ინსპირაციის მთავარი წყარო არის გავლენა, იმ მუსიკის და სივრცის, რომელშიც ვარსებობთ. აქედან გამომდინარე ალბათ ის გარემო იყო, რომელშიც გავატარე მეგობრებთან ერთად ბავშვობა, სტუდენტობა და არსებობისთვის ბრძოლა. მუსიკა ჩემს ცხოვრებაში ბავშვობიდან შემოვიდა, როგორც წესი უფროსები მუდმივად გასმენინებენ იმას, რაც მოსწონთ, ამ მხრივ გამიმართლა - გემოვნებიან გარემოში მოვხვდი და პატარა ასაკიდან ისეთ ჟანრებთან მქონდა შეხება, რომლის მოსასმენად სხვებს წლები სჭირდება.
- რა ასაკიდან წერთ მუსიკას?
- მუსიკის შექმნა 15 წლის ასაკიდან დავიწყე. მაქვს ჩემი ჯგუფი "melow", რომლის სიმღერებიც გამოყენებულია სერიალში. არაერთ ფესტივალში მაქვს მონაწილეობა მიღებული.
- ნიკ მღვიმელი თქვენი ნამდვილი გვარი და სახელია?
- ძალიან მიყვარს ავსტრალიელი მუსიკოსი ნიკ ქეივი, უფრო სწორად, ხან მიყვარს და ხან არა. ამიტომ გადავწყვიტე ფსევდონიმად მისი სახელი ამეღო და გავხდი ნიკ მღვიმელი. ცოცხალი შესრულება ჯერჯერობით არ მქონია, როგორ მისტიურადაც ვითარდება პროექტი, მინდა ასე მისტიურად გაგრძელდეს ნიკ მღვიმელის არსებობა.
- ელოდით, რომ ასეთი წარმატებული გახდებოდა საუნდტრეკი?
- წინასწარ არაფერზე ვიქმნი შთაბეჭდილებებს, ამიტომ არაფრის მოლოდინი არ მქონდა.
- ახალი სეზონიდან რას პირდებით მსმენელს და მაყურებელს?
- ახალი სეზონიდან რა იქნება ვერ ვიტყვი. ვიცი მაღალი მოლოდინია, ამ მოლოდინს გავამართლებთ და გადავაჭარბებთ.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
