"Maroon 5"-ის კონცერტზე შეკრებილი ქართველ მსმენელი მოულოდნელი სანახაობის მომსწრე გახდა - სცენაზე ქართული ხალხური სიმღერების ანსამბლი "ერისიონი" ავიდა და ადამ ლევინთან ერთად სიმღერის ფრაგმენტი შეასრულა.
ამერიკული პოპ-როკ ჯგუფი "ერისიონით" ჯერ კიდევ გუშინ მოიხიბლა. ბათუმში ჩამოსულმა მუსკოსებმა პირველი საღამო ტრადიციულ ქართულ სუფრაზე გაატარეს.
მოგვიანებით, "Maroon 5"-ის "ფეისბუქის" გვერდზე ვიდეო გავრცელდა, სადაც "ერისიონის" შესრულებული "მრავალჟამიერი" იყო ასახული. "This was awesome" - აღფრთოვანების აღმნიშვნელ ფრაზას ვკითხულობთ ვიდეოს წარწერაში.
ამერიკული პოპ-როკ ჯგუფის კონცერტი ბათუმის საოცრებათა მოედანზე ცოტა ხნის წინ დაიწყო.
ადგილზე უამინდობის მიუხედევად, უამრავი ადამიანია შეკრებილი.
კონცერტის დაწყებამდე Maroon 5-ის სოლისტმა ადამ ლევინმა ქართველ ფანებთან ფოტოები გადაიღო
ამერიკული ჯგუფი საქართველოში გუშინ ჩამოვიდა. დაგეგმილი კონცერტის გამო ბათუმის ქუჩებში მთელი დღის განმავლობაში საცობი იყო.
Maroon 5-ის კონცერტი CheckinGeorgia-ს ფარგლებში ტარდება.
Maroon 5 performs with Georgian folk ensemble in Batumi
