მნიშვნელოვანი ინფორმაცია
22
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეშვიდე დღე დაიწყება 01:23-ზე, მთვარე კირჩხიბში გადავა 16:28-ზე –
რეკომენდებულია მედიტაცია, საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. გაზრდილია ემოციურობა, კარგია დიპლომატიის დემონსტრირება. გამოიძინეთ. აქტიური ორგანოებია გულმკერდი, ფილტვები, კუჭი, ღვიძლი, ნაღვლის ბუშტი, ნერვული სისტემა. დალიეთ სითხეები მცირე რაოდენობით. არ დალიოთ ალკოჰოლი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცუდად გადაგმული ნაბიჯი იყო" - "ვოისის" კონკურსანტი თეონა ყოლბაია ჩადენილ დანაშაულზე, შოუსა და მომავლის გეგმებზე
05:04 / 24-12-2015
"ვოისის" კონკურსანტ პატიმარს თეონა ყოლბაიას მუსიკალური პროექტის მეორე ლაივ-შოუზე საოცარი სიურპრიზი მოუმზადეს - თეონა შოუს შემდეგ ეტაპზე ვერ გადავიდა, თუმცა ნანატრი თავისუფლება მოიპოვა. სასჯელაღსრულების მინისტრმა კახა კახიშვილმა პირდაპირ ეთერში, სცენაზევე შეატყობინა პატიმრობიდან გათავისუფლების შესახებ (იხილეთ ვიდეო)
წარსულში თაღლითობისთვის ნასამართლევი, 26 წლის თეონა ყოლბაია 2012 წლის 5 მაისს გლდანი-ნაძალადევის პოლიციის სამმართველოს თანამშრომლებმა დააკავეს. ყაჩაღობის ბრალდებით დაკავებულ ყოლბაიას 13 წელი მიესაჯა, ამნისტიის შემდეგ სასჯელის ვადად 4 წელი განესაზღვრა და გათავისუფლებამდე ნახევარი წელი ჰქონდა დარჩენილი.
"ამბები.გე" თეონა ყოლბაიას დაუკავშირდა. როგორც მისგან შევიტყვეთ, მისი ოჯახი აფხაზეთიდან არის დევნილი (გალის რაიონი), ჰყავს მშობლები და ორი და. თავად თეონას აფხაზეთში ცხოვრების პერიოდი არ ახსოვს, რადგანაც ძალიან პატარა წამოუყვანიათ იქედან. რაც შეეხება სიმღერას, ბავშვობიდან მღერის. "დედას დავყავდი მუსიკაზე, ხალხურ ანსამბლშიც ვმღეროდი. შემდეგ უკვე კონსერვატორიის ათწლედი დავამთავრე, მოგვიანებით - ვოკალური განხრით დიმიტრი არაყიშვილის სახელობის აფხაზეთის მუსიკალური კოლეჯი", - ამბობს თეონა.
- ისე მოხდა, რომ წლების წინ გისოსებს მიღმა აღმოჩნდი. როგორ აფასებ ამ გადასახედიდან შენი წარსულის იმ უსიამოვნო ფურცელს?
- ეს წლები, რაც იქ გავატარე, ძალიან მნიშვნელოვანი იყო ჩემს ცხოვრებაში. განსაკუთრებით რთული გახლდათ პირველი ორი წელი, როცა აკუთარი თავის დამკვიდრება მიწევდა. შემდეგ უკვე ძალიან საინტერესო იყო საკუთარ თავთან დარჩენა და ბევრი რამის გადაფასება. მოკლედ, ის პერიოდი ახალი ცხოვრების გასაგრძელებლად ძალიან გამომადგება.
- ციხეში საიდან იცოდნენ შენი სასიმღერო მონაცემების შესახებ, რომ მაინცდამაინც შენ შეგარჩიეს "ვოისისთვის"?
- დაწესებულების სამლოცველოში ვგალობდი და იქედან გამომდინარე, დაწესებულების დირექტორმა, ქალბატონმა ნესტან ვერულაშვილმა, კასტინგში მონაწილეობის მიღება შემომთავაზა. დაფიქრება დამჭირდა, რადგანაც ადვილი არ იყო ამ ნაბიჯის გადადგმა, მაგრამ მაინც გავრისკე და კონკურსზე გავედი.
- ხანდახან ადამიანი ინტუიციით წინასწარ რაღაცებს გრძნობს, - კონკურსში მონაწილეობისას გქონდა თუ არა იმის მოლოდინი, რომ დროზე ადრე გაგათავისუფლებდნენ?
- არა ნამდვილად, ასე თუ განვითარდებოდა მოვლენები, არ მეგონა. ასეთ ფინალზე არ მიფიქრია.
- საახალწლოდ საოცარი სიურპრიზი მოგიძღვნეს. ახლა რას აპირებ, რა გეგმები გაქვს?
- სურვილი მაქვს, რომ გავაგრძელო გზა, რომელიც "ვოისში" დავიწყე, გავყვე და გამოვიყენო ის საშუალება, რაც იქ მუსიკალურად მივიღე.
- რას გვეტყვი ანრი ჯოხაძეზე, შენს უშუალო მენტორზე?
- პროექტში ის ჩემთვის ყველაზე საყვარელი ადამიანი აღმოჩნდა, ძალიან მეგობრულია, პროფესიონალია და მისი დიდი მადლიერი ვარ, ძალიან ბევრი იმუშავა მთელ იმ პერიოდში, რაც მასთან ერთად ვიყავი. მოკლედ, გამიმართლა, რომ ანრისთან მოვხვდი.
- შენი საქმის გაცნობისას მივხვდი, რომ დანაშაული მაინც სიყვარულის გამო გაქვს ჩადენილი, ადამიანი გიყვარდა და უარი არ უთხარი იმაზეც კი, რომ სათამაშო თოფით მოქალაქეები დაგეყაჩაღებინათ, რის გამოც მძიმე ბრალი წაგიყენეს. გაქვს ურთიერთობა შეყვარებულთან, რომელიც ციხეშია?
- კი, მას 2 წელი და რამდენიმე თვე აქვს დარჩენილი. ჩვენ არ შეგვიწყვეტია ურთიერთობა, კონტაქტი გვაქვს, მაგრამ სამომავლოდ არანაირი გადაწყვეტილება არ მაქვს ჯერ მიღებული, რაც იქნება, უფლის ნებით იქნება. თუმცა მომავალში მასთან ურთიერთობის შეწყვეტას არ ვაპირებ.
- ე.ი. ისევ გიყვარს.
- კი.
- რა იყო ის მძიმე ნაბიჯი - დაუფიქრებლობა, თუ შედეგზე იფიქრე და იმ ყველაფერზე მაინც წახვედი?
- არ მიფიქრია ნამდვილად შედეგზე. ის ცუდად გადაგმული ნაბიჯი იყო, რა თქმა უნდა, ცუდი შედეგით...
- უფალს, ეკლესიას საუბარში ხშირად ახსენებ. დანაშაულის ჩადენამდე უფლის რწმენა არ გქონდა? არ იყავი ეკლესიური?
- არ ვიყავი მორწმუნე და ეკლესიური, იმ დაწესებულებაში ჩემი ყველანაირი ცვლილება მოხდა...
- საახალწლოდ საკუთარ თავსაც და სხვა ადამიანებს რას უსურვებდი?
- ხალხს ვეტყვი იმას, რომ აკეთონ მეტი სიკეთე, გაიღიმონ და იმედი არასდროს დაკარგონ, პირველ რიგში, ჰქონდეთ უფლის იმედი და ყველაფერი კარგად იქნება.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
