23
ივლისიდღის ზოგადი ასტროლოგიური პროგნოზი
ლიკა ქორქია და როსტო ნამდვილად მშვენიერი წყვილი იქნებოდა, თუმცა, რასაკვირველია, ეს წყვილი ციდან ვერ ჩამოფრინდებოდა და არც იმხელა ფანტაზია გვაქვს ჟურნალისტებს, რომ მაინცდამაინც ეს ორი ადამიანი დავაკავშიროთ ერთმანეთს, მაგრამ თქვენმა ბუკლიკომ ამას წინათ ლევან როსტოშვილი ფრიად საინტერესო სიტუაციაში დაიჭირა.
მოკლედ, მეგობრებთან ერთად კინო "რუსთაველში" მივკუსკუსდი, იქ კი სალაროსთან ნაცნობი სახე გავაძრე. ეს როსტო გახლდათ, გამოპრანჭული ბილეთებს ყიდულობდა და თან, შესამჩნევი ნერვიულობით ურეკავდა ვიღაცას ტელეფონზე. რამდენჯერმე გავიდა კინოდან და მერე უკან შემობრუნდა. ამ ფაციფუცით კიდევ უფრო მეტად მიიქცია ჩემი ყურადღება. გავიხედე და უცბად მეორე ცნობილ სახესთან, ლიკა ქორქიასთან ერთად დავინახე. გამიკვირდა, რადგან მათი მეგობრობის შესახებ, მართალი გითხრათ, არაფერი ვიცოდი. ისინი მარტო შემოვიდნენ კინოში და მათთან ერთად ერთ დარბაზში აღმოვჩნდი. ასევე მარტო ისხდნენ. როსტო რატომღაც ისევ აღელვებული ჩანდა, ლიკა ძალიან მკაცრი სახით იყურებოდა…... გადავწყვიტე, გამეგო, რა ხდება როსტოსა და ლიკას შორის და თავდაპირველად ლიკას დავურეკე.
ლიკა ქორქია:
- ეს იმდენად აბსურდული ჭორია, რომ რა კომენტარი გავაკეთო, არც კი ვიცი (იცინის). მე და როსტო ბავშვობის მეგობრები ვართ და ახლაც ვმეგობრობთ. ერთი საახლობლო წრე გვყავს, თუმცა მარტო არსად დავდივართ ხოლმე.
- ამას წინათ კინოში იყავით მარტონი.
- ეტყობა, თქვენ ჩვენი მეგობრები ვერ იცანით და ვერ შეამჩნიეთ. ვერანაირად ვერ ვიტყვი, რომ ჩვენ შორის რაღაც ხდება. ელემენტარული ფლირტიც კი არ გვქონია, თორემ არ დავმალავდი. ერთმანეთს ძალიან ხშირად ვნახულობთ.
- ანუ რომანტიკული ურთიერთობები არ გაქვთ?
- არა, კიდევ ერთხელ ვამბობ, რომ ჭორია და კარგია, რომ გადაამოწმეთ. არასდროს უკითხავთ ჩემთვის როსტოზე არაფერი.
- ისე, მისი მსგავსი ბიჭები მოგწონს?
- ასე ვერ ვიტყვი, სტერეოტიპი არ მაქვს, თუმცა როსტოს რაც შეეხება, ეს იგივეა, რომელიმე ნათესავ ბიჭზე რომ მკითხო, მოგწონს თუ არაო. საერთოდ, კარგი ბიჭია, მომწონს, მიყვარს, ვაფასებ და პროექტში ვგულშემატკივრობ. ამის მეტს ვერაფერს ვიტყვი.
ჩვენ როსტოსთან დაკავშირება ვცადეთ, მაგრამ მობილურ ტელეფონზე არ გვპასუხობდა. როგორც გავიგეთ, როსტო ამ ეტაპზე მობილურის გარეშე დადის, თუმცა რატომ, უცნობი რჩება.
DJ ბუკლე
ჟურნალი "რეიტინგი"
(გამოდის ორშაბათობით)
