ნინო იო­სე­ლი­ა­ნი ად­რე­უ­ლი ასა­კი­დან მო­დის სფე­რო­შია ჩარ­თუ­ლი. ამ­ჟა­მად ქმარ-შვილ­თან ერ­თად ეს­პა­ნეთ­ში, ქა­ლაქ ბარ­სე­ლო­ნა­ში ცხოვ­რობს, სა­დაც ოჯა­ხუ­რი ცხოვ­რე­ბის პა­რა­ლე­ლუ­რად სხვა­დას­ხვა საქ­მი­ა­ნო­ბა­საც ეწე­ვა, თუმ­ცა ბოლო დროს კვლავ სწავ­ლას და­უბ­რუნ­და და მო­დის მარ­კე­ტინგს და­ე­უფ­ლა.

ნინო მო­უს­ვე­ნა­რი ადა­მი­ა­ნია და ლა­უ­რა ღა­ჭა­ვას­თან ერ­თად ბიზ­ნე­სის წა­მო­წყე­ბას აპი­რებს, რის გა­მოც მას სა­ქარ­თვე­ლო­სა და ეს­პა­ნეთს შო­რის მო­უ­წევს სი­ა­რუ­ლი, თუმ­ცა სულ ფიქ­რობ­და და ახ­ლაც არ შე­უც­ვლია აზრი, რომ მე­ო­ჯა­ხე­ზე მე­ტად საქ­მი­ა­ნი ქა­ლია და შე­სა­ბა­მი­სად, აქ­ტი­უ­რო­ბის გა­რე­შე ცხოვ­რე­ბა ვერ წარ­მო­უდ­გე­ნია.

ნინო თბი­ლის­ში მო­დის კვი­რე­უ­ლის­თვის ჩა­მო­ვი­და, რო­მელ­თა­ნაც უკვე მე­ო­რედ თა­ნამ­შრომ­ლობს. ჩვენ­მა დღე­ვან­დელ­მა რეს­პონ­დენ­ტმა კვი­რე­უ­ლის ყვე­ლა გა­სარ­თო­ბი ღო­ნის­ძი­ე­ბა და­გეგ­მა. მან ჩვენ­თან სა­უბ­რი­სას ქარ­თვე­ლი დი­ზა­ი­ნე­რე­ბის შე­სა­ხებ გაგ­ვი­ზი­ა­რა აზრი, რო­მე­ლიც, ვფიქ­რობ, საკ­მა­ოდ სა­ინ­ტე­რე­სო წა­სა­კი­თხი იქ­ნე­ბა, პირ­ველ რიგ­ში, თა­ვად კრი­ტი­კის ობი­ექ­ტე­ბის­თვის.

-თბი­ლი­სის მო­დის კვი­რე­ულ­ზე მე­ო­რედ ჩა­მო­ვე­დი, რათა სა­ორ­გა­ნი­ზა­ციო ჯგუფს დავ­ხმა­რე­ბო­დი და სა­ინ­ტე­რე­სო წვე­უ­ლე­ბე­ბი დაგ­ვე­გეგ­მა. "შე­რა­ტონ­ში" გვქონ­და გალა-კონ­ცერ­ტი კვი­რე­უ­ლის გახ­სნის აღ­სა­ნიშ­ნა­ვად, ვერ­ტი­კა­ლუ­რი პო­დი­უ­მი, შემ­დეგ კი წვე­უ­ლე­ბა აუზ­ზე, საკ­მა­ოდ ორი­გი­ნა­ლუ­რად, კრის­ტა­ლის ჭა­ღე­ბი­თა და ლამ­პე­ბით გა­ფორ­მე­ბუ­ლი. ეს ყვე­ლა­ფე­რი თა­ვად მო­ვი­ფიქ­რე, რად­გან რო­დე­საც საქ­მე მო­დას­თან გვაქვს, აუ­ცი­ლე­ბე­ლია, მას უკავ­შირ­დე­ბო­დეს კრე­ა­ტი­უ­ლი სა­ღა­მო­ე­ბი. გვქონ­და ჩვე­ნე­ბე­ბის შემ­დგო­მი წვე­უ­ლე­ბე­ბი, ასე­ვე ლა­მა­ზად გა­ფორ­მე­ბუ­ლი. რო­დე­საც ამა­ზე ვფიქ­რობ, ვით­ვა­ლის­წი­ნებ იმას, რა არის მო­დუ­რი და რა მოს­წონს აქა­ურ სა­ზო­გა­დო­ე­ბას. წლე­ბის გან­მავ­ლო­ბა­ში ბარი მქონ­და და ვიცი, რო­გო­რი ინ­ტე­რი­ე­რი და რა მუ­სი­კა მოს­წონთ ქარ­თვე­ლებს. უცხო­ეთ­ში ამ მხრივ ტენ­დენ­ცია სულ იც­ვლე­ბა, რა­საც ვერ ვი­ტყვით სა­ქარ­თვე­ლო­ზე. თუკი შე­ვა­ფა­სებთ იმ ღო­ნის­ძი­ე­ბებს, რაც აქ ტარ­დე­ბა და ბა­რებს, რომ­ლე­ბიც ერთი-მე­ო­რის მი­ყო­ლე­ბით იხ­სნე­ბა, ვნა­ხავთ, რომ ყვე­ლა­ფე­რი ერ­თნა­ი­რია. თუ მო­დუ­რია შავ-თეთ­რი, ყვე­ლა აკე­თებს შავ-თეთ­რს. ხალ­ხს უჭირს სი­ახ­ლეს­თან შე­გუ­ე­ბა და ურ­ჩევ­ნი­ათ ის, რა­საც მი­ეჩ­ვივ­ნენ. ამი­ტო­მაც სი­ახ­ლე­ე­ბი ნელ-ნელა, მცი­რე დო­ზით უნდა მი­ა­წო­დო, რომ არ გა­ა­ღი­ზი­ა­ნო.

სა­ქარ­თვე­ლო­ში ასე­თი გე­მოვ­ნე­ბა იმი­ტომ ჩა­მო­ყა­ლიბ­და, რომ ხალ­ხს ახალ ინ­ფორ­მა­ცი­ა­ზე ხელი არ მი­უწ­ვდე­ბა. აქ რომ ჩა­მოვ­დი­ვარ, არა­ნა­ი­რი იდე­ე­ბი არ მიჩ­ნდე­ბა. რო­გორც კი ვტო­ვებ სა­ქარ­თვე­ლოს და გავ­დი­ვარ ევ­რო­პა­ში, ეს­პა­ნეთ­ში ან საფ­რან­გეთ­ში, იმ­დენ რა­მეს ვნა­ხუ­ლობ, რომ უც­ბად­ვე ბევ­რი იდეა მიჩ­ნდე­ბა.

-შენ ეს­პა­ნეთ­ში ცხოვ­რობ. რო­გო­რია შენი იქა­უ­რი დღის რე­ჟი­მი?

-ჩემი შვი­ლე­ბი 4 და 5 წლის არი­ან. სწავ­ლო­ბენ სკო­ლა­ში, თუმ­ცა აქ იმ ტი­პის სას­წავ­ლე­ბელს ბაღს ეძა­ხი­ან, წერა-კი­თხვას უკვე ას­წავ­ლი­ან. ოჯა­ხის საქ­მე­ე­ბის გარ­და საკ­მა­ოდ და­კა­ვე­ბუ­ლი ვარ. ბა­რის გახ­სნას რომ ვა­პი­რებ­დი, ეს ად­რეც გი­თხა­რი, უკვე სა­მუ­შა­ო­ე­ბის ძი­რი­თა­დი ნა­წი­ლი დას­რუ­ლე­ბუ­ლია და ორი­ო­დე თვე­ში გავ­ხსნი კი­დეც. ვის­წავ­ლე მო­დის მარ­კე­ტინ­გი და მინ­და, გან­ვა­ვი­თა­რო ქარ­თუ­ლი ტან­საც­მლის ბრენ­დი. აქ ვნა­ხე ქალ­ბა­ტო­ნი ლა­უ­რა ღა­ჭა­ვას ქარ­ხა­ნა, რო­მე­ლიც სტან­დარ­ტებს აკ­მა­ყო­ფი­ლებს და გვინ­და, ერ­თობ­ლი­ვი ბრენ­დი შევ­ქმნათ. თავ­და­პირ­ვე­ლად ად­გი­ლობ­რივ ბა­ზარ­ზე ვი­მუ­შა­ვებთ, მერე სა­ზღვარ­გა­რეთ გას­ვლა­ზეც ვი­ფიქ­რებთ. ეს იქ­ნე­ბა ყვე­ლას­თვის ხელ­მი­საწ­ვდო­მი, მო­დუ­რი და ხა­რის­ხი­ა­ნი ბრენ­დი, ამ ყვე­ლა­ფერს უცხო­ე­ლი დი­ზა­ი­ნე­რე­ბიც გა­ა­კონ­ტრო­ლე­ბენ ქარ­თვე­ლებ­თან ერ­თად.

-ნინო, სა­ქარ­თვე­ლო­ში ორი მო­დის კვი­რე­უ­ლი ტარ­დე­ბა. შენ, რო­გორც ამ სფე­რო­ში ჩა­ხე­დულ ადა­მი­ანს, შე­გიძ­ლია იმის თქმა, რომ ქარ­თულ მო­და­ში რა­ი­მე ძვრა იგ­რძნო­ბა?

-არა­ვი­თა­რი ძვრა არ არის და ვერც იქ­ნე­ბა, თუ დი­ზა­ი­ნე­რე­ბი საქ­მეს სე­რი­ო­ზუ­ლად არ მო­ე­კი­დე­ბი­ან. სა­დამ­დე შე­იძ­ლე­ბა, ასე აკე­თონ კო­ლექ­ცი­ე­ბი?.. რო­გორც გი­თხა­რი, ეს­პა­ნეთ­ში მო­დის მარ­კე­ტინ­გის ფა­კულ­ტე­ტი და­ვამ­თავ­რე, ეს არის ერთ-ერთი მთა­ვა­რი სპე­ცი­ა­ლო­ბა მო­დის სფე­რო­ში, რად­გან ამ პრო­ფე­სი­ის ადა­მი­ა­ნე­ბი წყვე­ტენ, რო­გორ გა­ნა­ვი­თა­რონ ბრენ­დი ბა­ზარ­ზე.

ცოდ­ნის ნაკ­ლე­ბო­ბის გამო სა­ქარ­თვე­ლო­ში ეს სფე­რო ვერ ვი­თარ­დე­ბა. აუ­ცი­ლე­ბე­ლია, ქარ­თველ დი­ზა­ი­ნე­რებს ვინ­მემ მი­ა­წო­დოს ინ­ფორ­მა­ცია იმის შე­სა­ხებ, რო­გო­რია ბაზ­რის მო­თხოვ­ნა, რა მო­დე­ლებს იყი­დის ხალ­ხი და რაც მთა­ვა­რია, რო­გო­რია ადეკ­ვა­ტუ­რი ფასი. არა­ნა­ი­რი კვლე­ვა არ ტარ­დე­ბა, მა­გა­ლი­თად, იმა­ზე, რა ფე­რე­ბია აქ­ტუ­ა­ლუ­რი, სად უნდა გა­ნა­თავ­სოს დი­ზა­ი­ნერ­მა სა­კუ­თა­რი სა­მო­სი და ა.შ. თითო კო­ლექ­ცი­ის შექ­მნა ამ სფე­როს გან­ვი­თა­რე­ბა­ზე ვერ მე­ტყვე­ლებს. ბრენ­დი მა­ში­ნაა წარ­მა­ტე­ბუ­ლი და დი­ზა­ი­ნერს დი­ზა­ი­ნე­რი მა­შინ ჰქვია, რო­დე­საც ის მა­სობ­რივ წარ­მო­ე­ბა­ზე მუ­შა­ობს და მის სა­მოსს ბევ­რი ადა­მი­ა­ნი ყი­დუ­ლობს. აქ საჩ­ვე­ნე­ბელ კო­ლექ­ცი­ას შექ­მნი­ან და ამას თუ გა­ყი­დი­ან, კმა­ყო­ფი­ლე­ბი არი­ან. არა­და, ამას საჩ­ვე­ნე­ბე­ლი იმი­ტომ ჰქვია, რომ უნდა ნა­ხონ ბა­ი­ე­რებ­მა, შე­ი­ძი­ნონ და მა­სობ­რივ წარ­მო­ე­ბა­ში გა­უშ­ვან. აქ უცხო­ე­თი­დან ძი­რი­თა­დად უხა­რის­ხო ტან­საც­მე­ლი შე­მო­დის. ჩვე­ნი დი­ზა­ი­ნე­რე­ბი რომ ასეთ ძვი­რი­ან სა­მოსს არ კე­რავ­დნენ და თან არ­ცთუ კარ­გი ხა­რის­ხი­სას, ტან­საც­მლის შე­მომ­ტა­ნე­ბი მათი სა­მო­სით უფრო და­ინ­ტე­რეს­დე­ბოდ­ნენ. შე­ი­კე­რე­ბო­და სა­ქარ­თვე­ლო­ში და გა­ი­ყი­დე­ბო­და ნორ­მა­ლურ ფა­სად. ეს არის ბიზ­ნე­სი და მო­დის ინ­დუსტრი­ის გან­ვი­თა­რე­ბა.

-სა­ნამ ამ ყვე­ლაფ­რამ­დე მიხ­ვალ, ფი­ნან­სე­ბი და იდე­ე­ბი ხომ უნდა გქონ­დეს?

-პირ­ველ რიგ­ში, ცოდ­ნა უნდა გქონ­დეს. ქარ­თველ დი­ზა­ი­ნე­რებს არ უს­წავ­ლი­ათ, არც ტან­საც­მლის გა­მო­ფე­ნა­ზე და­დი­ან და არც ქსო­ვი­ლე­ბის. მხო­ლოდ მო­დის უცხო­უ­რი ჟურ­ნა­ლე­ბის დათ­ვა­ლი­ე­რე­ბით ახა­ლი ვე­რა­ფე­რი შე­იქ­მნე­ბა, რად­გან ის, რაც ამ ჟურ­ნა­ლებ­ში ქვეყ­ნდე­ბა, უკვე წარ­სუ­ლია, რე­ა­ლუ­რად მო­დის ტენ­დენ­ცი­ე­ბი ბევ­რად ადრე იქ­მნე­ბა. დი­ზა­ი­ნე­რი მო­მა­ვა­ლი ზა­ფხუ­ლის კო­ლექ­ცი­ა­ზე უკვე უნდა მუ­შა­ობ­დეს. ჩვენ­თან კი მო­დის კვი­რე­უ­ლის წინ, ერთი კვი­რით ადრე დი­ზა­ი­ნერს რომ ჰკი­თხო, შენი კო­ლექ­ცი­ის კონ­ცეფ­ცია მი­თხა­რიო, არ იცის და სა­ი­დან გე­ტყვის? ერთი კვი­რით ადრე კო­ლექ­ცია არც აქვს შე­კე­რი­ლი.

ყვე­ლა კო­ლექ­ცი­ის უკან დგას რა­ღაც კონ­ცეფ­ცია და ამ­ბა­ვი. დი­ზა­ი­ნე­რი მხო­ლოდ კა­ბას კი არ ყი­დის, არა­მედ მთლი­ა­ნად იმიჯს. როცა პო­დი­უმ­ზე ხე­დავ მო­დელს, მთლი­ა­ნად უნდა გინ­დო­დეს ეს იმი­ჯი, ანუ არა მხო­ლოდ კაბა, არა­მედ ფეხ­საც­მე­ლი, ჩან­თა, აქ­სე­სუ­ა­რი, რო­მე­ლიც მო­დელს ამ­შვე­ნებს. ამი­ტო­მაც მუ­შა­ო­ბენ დი­ზა­ი­ნე­რებ­თან სა­ზღვარ­გა­რეთ სტი­ლის­ტე­ბი, რომ­ლე­ბიც სხვა თვა­ლით უყუ­რე­ბენ სა­მოსს და შემ­დეგ ურ­ჩე­ვენ დი­ზა­ი­ნერს, რა აქ­სე­სუ­ა­რი და რო­გო­რი ჩან­თა მო­უხ­დე­ბა. ისი­ნი მთლი­ა­ნი იმი­ჯის შექ­მნა­ში ეხ­მა­რე­ბი­ან მათ.

აქ არც სტი­ლის­ტი არ­სე­ბობს, არც მო­დის მარ­კე­ტო­ლო­გი, არც ადა­მი­ა­ნი, რო­მე­ლიც დი­ზა­ი­ნერ­თან ერ­თად შე­არ­ჩევს ქსო­ვი­ლებს კო­ლექ­ცი­ის­თვის. გარ­და ამი­სა, და­ეხ­მა­რე­ბა დი­ზა­ი­ნერს, თა­ვი­სი კო­ლექ­ცია მა­ღა­ზი­ა­ში ლა­მა­ზად წარ­მო­ა­ჩი­ნოს. აბა, და­აკ­ვირ­დით ქარ­თუ­ლი მა­ღა­ზი­ე­ბის ვიტ­რი­ნებს, რო­მე­ლი­მე თუ მი­გი­ზი­დავთ, რომ შიგ­ნით შეხ­ვი­დეთ?

მარ­ტო დი­ზა­ი­ნე­რი თა­ვი­სი ხატ­ვით კო­ლექ­ცი­ას კო­მერ­ცი­ულს ვერ გახ­დის. შარ­შან მო­დის კვი­რე­უ­ლის ფარ­გლებ­ში სე­მი­ნა­რე­ბი გა­ი­მარ­თა. ქარ­თველ დი­ზა­ი­ნერ­თა ნა­ხე­ვარ­ზე მეტი ამ ლექ­ცი­ას უბ­რა­ლოდ არ და­ეს­წრო!.. იმი­ტომ, რომ მათ თურ­მე ეს ყვე­ლა­ფე­რი უკვე იცი­ან და არ აინ­ტე­რე­სებთ. ახლა რომ იყო ჩა­მო­სუ­ლი "შ-მო­დის" წარ­მო­მად­გე­ნე­ლი ბერ­ლი­ნის აკა­დე­მი­ი­დან, ძა­ლი­ან მა­ინ­ტე­რე­სებ­და, სა­ერ­თოდ შე­ვი­დოდ­ნენ თუ არა დი­ზა­ი­ნე­რე­ბი მის ლექ­ცი­ა­ზე... ყვე­ლას ჰგო­ნია, რომ ყვე­ლა­ფე­რი იცის, მე კი ვფიქ­რობ, ადა­მი­ა­ნი სი­ბე­რემ­დე სწავ­ლობს.

-ძვე­ლი თე­მაა, მაგ­რამ შენი აზრი არ ვიცი ამ თე­მა­ზე, ორი მო­დის კვი­რე­უ­ლი რომ იმარ­თე­ბა, რას ფიქ­რობ?

-იყოს ორი და თუ უნ­დათ, სა­მიც ჩა­ა­ტა­რონ და ოთხიც. მერე რა? ამ სფე­რო­ში რე­ა­ლუ­რად უნდა ხდე­ბო­დეს სი­ახ­ლე­ე­ბი.

-ვინ­მე აღ­მო­ჩე­ნა თუ გახ­და შენ­თვის ამ კვი­რე­უ­ლე­ბის გან­მავ­ლო­ბა­ში?

-რაც შე­ე­ხე­ბა აღ­მო­ჩე­ნას, შე­ვი­ა­რე ქარ­თველ დი­ზა­ი­ნერ­თა მა­ღა­ზი­ა­ში. ძა­ლი­ან მა­ინ­ტე­რე­სებ­და მათი კო­ლექ­ცი­ე­ბის დათ­ვა­ლი­ე­რე­ბა, მინ­დო­და შე­მე­ხე­და ხა­რის­ხი­სა და ფა­სის­თვის. ობი­ექ­ტუ­რად ვლა­პა­რა­კობ და პირ­და­პირ ვამ­ბობ -ერთი სა­ა­თი დავ­ყა­ვი იქ და ოცი ქალ­ბა­ტო­ნი შე­მო­ვი­და, ყვე­ლა მათ­განს უნ­დო­და გა­მო­სას­ვლე­ლი კაბა ან ჯინსზე გა­და­საც­მე­ლი ზედა, რაც ისე­თი ძვი­რია, რომ ბევ­რი უკან გაბ­რუნ­და. ქარ­თვე­ლი დი­ზა­ი­ნე­რის მა­ი­სუ­რი სა­შუ­ა­ლოდ 100 ევ­რომ­დე ღირს, კა­ბე­ბის ფასი 200 ევ­რო­დან იწყე­ბა. ამ ფა­სად ევ­რო­პა­ში ცნო­ბი­ლი დი­ზა­ი­ნე­რის დახ­ვე­წილ ნივთს შე­ი­ძენ. ფასი და ხა­რის­ხი არა­ა­დეკ­ვა­ტუ­რია, ასე­ვე მო­დე­ლე­ბი. არა­ფე­რი არ მო­მე­წო­ნა. არც ტენ­დენ­ცი­ებს ით­ვა­ლის­წი­ნე­ბენ. ძა­ლი­ან ცუდი მდგო­მა­რე­ო­ბაა. ამას ვამ­ბობ ღიად, რად­გან ისეთ უხეშ შეც­დო­მებს ვხე­დავ, რაც მი­სა­თი­თე­ბე­ლია.

-უცხო­ეთ­ში თუ ეს­წრე­ბი ჩვე­ნე­ბებს?

-ახლა აქ­ტუ­ა­ლუ­რი გახ­და არა უბ­რა­ლოდ ჩვე­ნე­ბე­ბი, არა­მედ პერ­ფორ­მან­სე­ბი. ვნა­ხე "უნ­გა­როს", "ლუი ვი­ტო­ნის", "კა­ვა­ლის", "დოლ­ჩე და გა­ბა­ნას" ჩვე­ნე­ბა. ძა­ლი­ან მინ­დო­და, თბი­ლი­სის მო­დის კვი­რე­უ­ლის ფარ­გლებ­ში ჩა­მო­მეყ­ვა­ნა ადა­მი­ა­ნი, რო­მე­ლიც ქარ­თველ დი­ზა­ი­ნე­რებს და­ეხ­მა­რე­ბო­და კონ­ცეფ­ცი­ის შექ­მნა­ში და ასე­ვე კო­ლექ­ცი­ებ­ში შოუს ელე­მენ­ტებს შე­ი­ტან­და, მაგ­რამ უარი მი­ვი­ღე, მი­ზე­ზი კი ის იყო, ქარ­თვე­ლი დი­ზა­ი­ნე­რე­ბი ამ კონ­სულ­ტანტს არ და­უ­ჯე­რე­ბე­ნო (იცი­ნის).

-თა­მუ­ნა ინ­გო­როყ­ვა­ზე აღარ გკი­თხავ, რად­გან შენი მე­გო­ბა­რია და ქარ­თვე­ლი ცნო­ბი­ლი დი­ზა­ი­ნე­რე­ბი­დან ვინ­მეს და­დე­ბი­თად გა­მო­არ­ჩევ?

-მე და თა­მუ­ნა მარ­თლაც ვმე­გობ­რობთ და მას საფ­რან­გეთ­ში აქვს მი­ღე­ბუ­ლი გა­ნათ­ლე­ბა, შე­სა­ბა­მი­სად, ით­ვა­ლის­წი­ნებს ტენ­დენ­ცი­ებს და სხვა­თა შო­რის, შე­ნიშ­ვნებ­საც. რაც შე­ე­ხე­ბა სხვა დი­ზა­ი­ნე­რებს, ახლა რა ჩვე­ნე­ბებ­საც ვნა­ხუ­ლობ და ტე­ლე­ვი­ზი­ით რა­საც ვხე­დავ, ვე­რა­ვის გა­მო­ვარ­ჩევ.

-ნინო, მინ­და გკი­თხო, თა­ვად ვის აზრს ით­ვა­ლის­წი­ნებ ჩაც­მი­სას?

-თა­ვად ვარ­ჩევ, მე­გობ­რებ­საც ვე­კი­თხე­ბი, მე­უღ­ლე­საც. უკვე ხუთი წე­ლია ერ­თად ვართ და იმ­დე­ნად გა­ვარ­კვიე ამ სფე­რო­ში, რომ ამას წი­ნათ შევ­თა­ვა­ზე, ჩემი ასის­ტენ­ტი გახ­დი-მეთ­ქი (იცი­ნის).

-წელს ზა­ფხულ­ში რა ჩა­ვიც­ვათ?

-აქ­ტუ­ა­ლუ­რია ფე­რა­დი სა­მო­სი, ჟო­ლოს­ფე­რი, მწვა­ნე, ლურ­ჯი, ყვა­ვი­ლე­ბი­ა­ნი სა­რაფ­ნე­ბი. უფრო გაშ­ვე­ბუ­ლი კა­ბე­ბი, ან ძა­ლი­ან გრძე­ლი ან ძა­ლი­ან მოკ­ლე კა­ბე­ბი. ბარ­სე­ლო­ნა­ში "მინი" ხში­რად მაც­ვია და აქაც ვიც­ვამ ხოლ­მე.

-ქარ­თვე­ლებს კარ­გი გე­მოვ­ნე­ბა აქ­ვთო, ეთან­ხმე­ბი ამ მო­საზ­რე­ბას?

-კი, მაგ­რამ რომ ჩა­მოვ­დი­ვარ, ჩემ­თვის ყვე­ლა ერ­თნა­ი­რად არის გა­მო­წყო­ბი­ლი. ზე­ვი­დან გაშ­ვე­ბუ­ლი ქვე­და­ბო­ლო­ე­ბი "ტა­პ­კებ­ზე" და ბო­ლომ­დე შეკ­რუ­ლი პე­რან­გე­ბი აქ კვლა­ვაც აქ­ტუ­ა­ლუ­რია. აქ ბებ­რუ­ლი სტი­ლია და ადრე და­ბე­რე­ბუ­ლი ქა­ლე­ბი­ვით არი­ან ჩაც­მუ­ლე­ბი (იცი­ნის). ევ­რო­პა­ში ახალ­გაზ­რდას ახალ­გაზ­რდუ­ლად აც­ვია, თუმ­ცა აქაც გვხვდე­ბი­ან გა­მორ­ჩე­უ­ლი ადა­მი­ა­ნე­ბი, რო­მელ­თაც კარ­გად აც­ვი­ათ.

-ბიზ­ნე­სის გამო აქეთ-იქით მო­გი­წევს სი­ა­რუ­ლი და მოს­წონს მე­უღ­ლეს?

-ერთი წელი ეს­პა­ნეთ­ში დავ­ყა­ვი, მაგ­რამ ახლა მო­მი­წევს აქეთ-იქით სი­ა­რუ­ლი. არ არის წი­ნა­აღ­მდე­გი.

-თავს უფრო მე­ო­ჯა­ხედ მი­იჩ­ნევ, თუ უფრო საქ­მი­ა­ნად?

-მე­ო­ჯა­ხედ ვე­რა­ნა­ი­რად, უფრო საქ­მი­ა­ნად. ეს­პა­ნეთ­ში ყოფ­ნი­სას ვსწავ­ლობ, დავ­დი­ვარ გა­მო­ფე­ნებ­სა და ჩვე­ნე­ბებ­ზე, შო­უ­ებ­ზე. სულ ძი­ე­ბა­სა და კვლე­ვა­ში ვარ ჩარ­თუ­ლი. ოჯა­ხის­თვის მრჩე­ბა დრო სა­ღა­მო­ო­ბით, ბავ­შვე­ბი დი­ლი­დან ექ­ვსამ­დე სკო­ლა­ში არი­ან და სა­ღა­მოს ჩვენ­თან ერ­თად. მეხ­მა­რე­ბა "სკა­ი­პი", რი­თაც ბევრ საქ­მეს ვაგ­ვა­რებ.

ნინო მურ­ღუ­ლია

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)