დავით ზურაბიშვილი - ახალაიას ასეთი განაჩენი აძლიერებს ერთ კაი ეროვნულ "ბართლომეს ღამეზე" დაკვეთას
მმართველი კოალიციის წევრი, რესპუბლიკური პარტიის ერთ-ერთი ლიდერი დავით ზურაბიშვილი ბაჩო ახალაიას გამართლებას გამოეხმაურა და სოციალურ ქსელ "ფეისბუქში" ასეთი კომენტარი გააკეთა:
"ესე იგი, საერთოდ არ ვლაპარაკობ ამ თემაზე, მაგრამ ამ ერთხელ მაინც ვიტყვი.
სრულიად ნაცსპექტრი ვერაფრით ახერხებთ გააცნობიეროთ ძალიან ელემენტარული რამ:
პირადად მე იმის შესაფასებლად, თუ ვინაა ბაჩო ახალაია, არ მჭირდება სასამართლო განაჩენი. და არა მარტო მე - ყველამ ყველაფერი იცის ამ ქვეყანაში და რა განაჩენიც არ უნდა დადგეს, საზოგადოებრივი აზრი იმ ადამიანის შესახებ, ვისაც თამარა ჩერგოლეიშვილიც კი ღიად ეძახდა მანიაკს, არ შეიცვლება.
სასამართლოს მიერ ბაჩო ახალაიას გამართლება კი საზოგადოების აბსოლუტური უმრავლესობის მიერ აღიქმება როგორც პროკურატურის ცუდი მუშაობის შედეგი. ზოგი ამას შეგნებულ ბოროტებად უთვლის ხელისუფლებას (მითი: შეკრულები არიან ნაცებთან), ზოგი სისუსტედ და არაკომპეტენტურობად, მაგრამ ამ გამამართლებელი განაჩენებით ოდნავადაც არ ხდება არც პირადად მისი, და არც ზოგადად ნაცმოძრაობის რეაბილიტაცია.
პირიქით, ასეთი განაჩენები მხოლოდ აძლიერებს რადიკალურ ანტინაცურ განწყობებს და ერთ კაი ეროვნულ "ბართლომეს ღამეზე" დაკვეთას. ასე, რომ ტყუილად გიხარიათ," - წერს ზურაბიშვილი.
შეგახსენებთ, გუშინ სააპელაციო სასამართლომ არ დააკმაყოფილა პროკურატურის საჩივარი და ბაჩო ახალაია ე.წ. ციხის ბუნტის საქმეზე მამარდაშვილის ნაწილში გაამართლა.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
